04.04.2026 | 15:16
Կիլիան Մբապեն նշել է իր թերությունը խաղադաշտում
Քյարամյանի աշխատավարձն անցած տարի ավելացել է շուրջ 9 մլն դրամով․ ինչ է հայտարարագրել ՔԿ նախագահը. ՏԵՍԱՆՅՈՒԹ
06.06.2024 | 20:15
Քննչական կոմիտեի նախագահ Արգիշտի Քյարամյանը 2023 թ-ին ստացել է 27․6 մլն դրամ աշխատավարձ՝ 2022 թ-ի համեմատ 8․9 մլն դրամով ավելի։ Պաշտոնյայի գույքի և եկամուտներրի հայտարարագրի համաձայն՝ «ԱՄԻՕ բանկ»-ից նա ստացել է 632 դոլար՝ տրված փոխառությունների դիմաց տոկոս։
Քյարամյանի գույքի ցանկում փոփոխություն չկա․ նա ունի Ջրվեժում հողամաս, Գեղարքունիքի Երանոս գյուղում՝ առանձնատուն և 3 հողամաս, Երևանի Քանաքեռ-Զեյթուն վարչական շրջանում՝ առանձնատուն և բնակարան, Արաբկիրում՝ ավտոտնակ, Ծաղկաձորում՝ հողամաս։
Քննչական կոմիտեի նախագահը վարում է 2014 թ-ի արտադրության MERCEDES-BENZ մակնիշի ավտոմեքենա։ Բանկում ունի 10 հազար դոլար ավանդ, իսկ մեկ այլ ավանդ՝ 1․5 մլն դոլարի չափով, մինչև տարեվերջ զրոյացրել է։ Քյարամյանի բանկային հաշվին եղել է 54 եվրո և 1 մլն դրամ։ ՔԿ նախագահը հայտարարագրել է 50 հազար դոլար և 52 մլն դրամ կանխիկ։ Հանգստի նպատակով անցած տարի Քյարամյանը ծախսել է 3․5 մլն դրամ, 2․2 մլն դրամ էլ վճարել է ուսման վարձ։
Ուշագրավ է, որ ՔԿ նախագահի կինն ու մայրը՝ Ուզաննա Քյարամյանը և Լարիսա Գրիգորյանը, չեն աշխատում, բայց նույնպես տասնյակ հազարավոր դոլարներ ունեն։
Ռ․ Քյարամյանը բանկային 4 ավանդ է ունեցել, տարվա ընթացքում ևս 2 ավանդ դրել է՝ ընդհանուր գումարը դարձնելով 3․4 մլն դրամ և 20 հազար դոլար։ «Արարատբանկ»-ից Քյարամյանը ստացել է մոտ 243 հազար դրամ տոկոսագումար։ Նա բանկային հաշվին ունեցել է 331 հազար դրամ, իսկ կանխիկ՝ 47 հազար դոլար և 29 մլն դրամ։
Լ․ Գրիգորյանն ունի 2 բանկային ավանդ՝ 75 հազար դոլար և 50 հազար դոլար ծավալով։ Վերջինը նա 2023 թ-ին է ավանդադրել։ «ԱՄԻՕ բանկ»-ից ստացել է 4049 դոլար տոկոսագումար, ինչը եղել է նրա միակ եկամուտը։ Գրիգորյանի բանկային հաշվին տարեվերջին եղել է 1 մլն դրամ։
Գայանե Խաչատրյան
