08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բայդենն ու Զելենսկին Ֆրանսիայում կքննարկեն Ուկրաինայում ստեղծված իրավիճակը
Քաղաքականություն
05.06.2024 | 11:43
ԱՄՆ նախագահ Ջո Բայդենը նախատեսում է Ֆրանսիայում հանդիպել Ուկրաինայի նախագահ Վլադիմիր Զելենսկիի հետ։ DW-ի ռուսական ծառայության փոխանցմամբ՝ այս մասին Փարիզ մեկնելիս հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։
Նրա խոսքով՝ Բայդենը մտադիր է Զելենսկիի հետ քննարկել Ուկրաինայում տիրող իրավիճակը և այն, թե ինչպես կարող է Միացյալ Նահանգները շարունակել և ուժեղացնել աջակցությունը Կիևին։ Ամերիկացի պաշտոնյան հավելել է, որ ԱՄՆ-ի և Ուկրաինայի նախագահների ևս մեկ անձնական հանդիպում պետք է տեղի ունենա հաջորդ շաբաթ՝ Իտալիայում G7-ի գագաթնաժողովի շրջանակում։
Հարցին՝ արդյո՞ք Ուկրաինան արդեն օգտագործել է ամերիկյան զենք Ռուսաստանում ռազմական օբյեկտներին հարվածելու համար, Սալիվանը պատասխանել է, որ չի ցանկանում խոսել Ուկրաինայի զինված ուժերի անունից: Նա պարզաբանել է, որ Վաշինգտոնը չի նախատեսում Ուկրաինա ուղարկել ռազմական խորհրդատուների կամ հրահանգիչների՝ ուկրաինացի զինվորներին պատրաստելու համար։
Վլադիմիր Զելենսկին պաշտոնական երկօրյա այցով Ֆրանսիա կժամանի հունիսի 6-ին։
