24.04.2026 | 23:32
Կապանում ջրանջատում կլինի
ԱԳՆ շենքի մոտ տեղի ունեցած ակցիայի մասնակիցը կալանավորվել է. նա մեղադրվում է խուլիգանության համար
Հասարակություն
04.06.2024 | 19:02
Մայիսի 31-ին արտաքին գործերի նախարարության շենքի դիմաց տեղի ունեցած բողոքի ակցիայի ժամանակ բերման ենթարկված, ապա ձերբակալված Գնել Պետրոսյանը մեկ ամսով կալանավորվել է։ Այս մասին Factor.am-ին հայտնեց նրա փաստաբան Խաչատուր Ղանդիլյանը։
Գնել Պետրոսյանին մեղադրանք է ներկայացվել մի խումբ անձանց կողմից խուլիգանության հոդվածով:
«Մեկ ոստիկան ցուցմունք է տվել, որ Գնել Պետրոսյանը ակցիայի ժամանակ ոտքերով հարվածներ է հասցրել իր վահանին: Առկա տեսագրության մեջ անգամ մեկ հարված չի երևում, Պետրոսյանը չի ընդունում մեղադրանքը»,- ասաց փաստաբանը:
Նշենք, որ Գնել Պետրոսյանը ձերբակալվել էր 72, ապա 24 ժամով և պահվել ՁՊՎ-ում, ինչը, ըստ փաստաբանի, խախտում է: Քննչական կոմիտեն երեկ Factor.am-ին հայտնել էր, որ Գնել Պետրոսյանը ազատ է արձակվել, ապա՝ կրկին ձերբակալվել:
Արփի Հակոբյան
