08.10.2026 | 17:18
Մուրադովն անհետ կորածների ցուցակ ուներ, օգտագործե՛ք ՌԴ-ի ձեր լծակները․ զոհվածի մայր․ ՏԵՍԱՆՅՈՒԹ
Ալիևը հայտարարել է ադրբեջանական գազի արտահանման աշխարհագրությունն ընդլայնելու ծրագրերի մասին
Քաղաքականություն
04.06.2024 | 17:36
Ադրբեջանից գազի արտահանումն այս տարի կգերազանցի 24 միլիարդ խորանարդ մետրը: Այս մասին հայտարարել է Ադրբեջանի նախագահ Իլհամ Ալիևը Բաքվի էներգետիկ շաբաթվա շրջանակում «Կասպյան նավթ և գազ» 29-րդ միջազգային ցուցահանդեսի և «Էներգետիկա և կանաչ էներգիա» Կասպյան 12-րդ միջազգային ցուցահանդեսի բացման արարողությանը:
«Ադրբեջանից գազի արտահանումն այս տարի կգերազանցի 24 մլրդ խորանարդ մետրը։ Ադրբեջանական գազն այսօր ստանում է ութ երկիր»,- ասել է Ալիևը։
Նրա խոսքով՝ ադրբեջանական գազի մատակարարումների աշխարհագրությունը կշարունակի ընդլայնվել։
«Մենք ակտիվորեն մի շարք երկրների հետ բանակցություններ ենք վարում, որոնք ևս ադրբեջանական գազի կարիքն ունեն՝ ապահովելու իրենց էներգետիկ անվտանգությունը»,- նշել է Իլհամ Ալիևը։
Նա հավելել է, որ «Ադրբեջանն արդեն հաստատել է իրեն որպես վստահելի գործընկեր գազի մատակարարման ոլորտում»։
