07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Բայդենը թույլ է տվել Ուկրաինային ամերիկյան զենքով հարվածներ հասցնել Խարկովի մարզի հետ սահմանին գտնվող ռուսական ռազմական օբյեկտներին
Քաղաքականություն
31.05.2024 | 13:31
ԱՄՆ նախագահ Ջո Բայդենը համաձայնություն է տվել Ուկրաինային օգտագործել ամերիկյան զենքը Ռուսաստանի տարածքում ռազմական օբյեկտների վրա հարձակվելու համար, բայց միայն Խարկովի շրջանի հետ սահմանին, որտեղ ռուսական զորքերը հարձակվում են։ Այս մասին գրում են Reuters-ը և Politico-ն։
«Նախագահը հանձնարարել է իր թիմին հնարավորություն տալ Ուկրաինային օգտագործել ԱՄՆ-ի մատակարարած զենքերը Խարկովի մարզում հարձակումներին հակազդելու համար, որպեսզի Ուկրաինան կարողանա պատասխան հարված հասցնել ռուսական ուժերին, որոնք հարձակվում են իրենց վրա կամ պատրաստվում են հարձակվել», – ասել է ամերիկացի պաշտոնյան՝ հավելելով, որ Ռուսաստանի ներսում հեռահար հարվածների ժխտողական քաղաքականությունը չի փոխվել:
Նրա խոսքով`Ուկրաինան չի կարող օգտագործել ԱՄՆ-ի տրամադրած զենքերը քաղաքացիական ենթակառուցվածքների վրա հարձակվելու կամ հեռահար հրթիռներ արձակելու համար։
