07.10.2026 | 13:54
Միրզոյանի նախագահությամբ տեղի է ունեցել ՅՈՒՆԵՍԿՕ-ի Հայաստանի ազգային հանձնաժողովի նիստը
Ադրբեջանն ու Պակիստանը ռազմական համագործակցության հարցեր են քննարկել
Քաղաքականություն
31.05.2024 | 23:07
Պակիստան կատարած պաշտոնական այցի շրջանակներում Ադրբեջանի ԱԳ նախարար Ջեյհուն Բայրամովը հանդիպել է այդ երկրի զինված ուժերի ցամաքային զորքերի հրամանատար, Գլխավոր շտաբի պետ Ասիմ Մունիրի հետ։
Ադրբեջանի ԱԳՆ փոխանցմամբ՝ հանդիպման ընթացքում քննարկվել են պաշտպանական և ռազմական ոլորտներում երկու երկրների համագործակցության հեռանկարները, ինչպես նաև՝ պաշտպանական արդյունաբերության ոլորտում երկու երկրների մասնագիտացված կառույցների համագործակցության հարցեր։
Բայրամովն ընդգծել է փոխադարձ այցերի ու սերտ շփումների կարևորությունը ռազմատենիկական ոլորտում համագործակցության համար։ Նշվել է նաև Ադրբեջան-Թուրքիա-Պակիստան ձևաչափով զորավարժությունների կարևորությունը՝ երկու երկրների զինված ուժերի միջև փոխգործունեության արդյունավետությունը բարձրացնելու, ինչպես նաև համապատասխան զորքերի տեսակների միջև փորձի փոխանակումն իրականացնելու համար։
Նշենք, որ ավելի վաղ էլ Բայրամովը հանդիպել էր Պակիստանի վարչապետ Շահբազ Շարիֆի հետ։
