06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Մարդկային պատմություններ՝ վերնագրերից այն կողմ․ մեկնարկել է EVN մեդիափառատոնը. ՏԵՍԱՆՅՈՒԹ
Հասարակություն
30.05.2024 | 22:45
Ռազմական թղթակիցներ և հետաքննող լրագրողներ, մտքի առաջնորդներ ու գիտնականներ, ոգեշնչող և տեղեկատվական զրույցներ․ այսօր մեկնարկեց երրորդ ամենամյա EVN մեդիա փառատոնը՝ բացահայտելու վերնագրերի հետևում գտնվող մարդկային պատմությունները։
Փառատոնն այս տարի առանձնանում է հայտնի լրագրողների և արվեստագետների տպավորիչ կազմով։ Այն ոչ միայն լրագրողական փորձարարությունների, այլև լրատվամիջոցների՝ նոր պատումներ ձևավորելու և հասարակական փոխակերպումներ միջնորդելու առաքելության վերահաստատում է։
EVN Report առցանց վերլուծական, լրատվական հարթակի նախաձեռնած քառօրյա փառատոնը կընդգրկի պանելային քննարկումներ, «մարդ ԱՌժամանակ» անձնական զրույցներ, հեղինակային ընթերցումներ, աշխատարաններ, պորտֆոլիոների խորհրդատվություններ, հատուկ նախագծեր, ցուցահանդեսներ։
Փառատոնին հրավիրված մրցանակակիր խոսնակները համագործակցում են համաշխարհային այնպիսի հայտնի մեդիահարթակների հետ, ինչպիսիք են «Նյու Յորքեր», «ՍիԷնԷՆ», «Նյու Յորք Թայմս», «ԷնԲիՍի Նյուզ», «ՍիԲիԷս Նյուզ», «ԲիԲիՍի», «ՓիԲիՍի», «Վաշինգտոն Փոստ» և այլն։
Մինչ երրորդ ամենամյա EVN մեդիա փառատոնի բացման արարողությունը՝ տեղի ունեցավ «մարդ ԱՌժամանակ» շարքի առաձնահատուկ զրույց, որին մասնակցեցին «Էմմի» մրցանակակիր դերասան, կինոգործիչ և գրող Մայքլ Գուրջեանն ու «Նյու Յորքեր»-ի հեղինակ Րաֆֆի Խաչատուրեանը։
Մանրամասները՝ տեսանյութում։
Անի Թամրազյան
