14.12.2025 | 20:34
Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում
Ֆրանսիան, հնարավոր է, Ուկրաինա ռազմական հրահանգիչներ ուղարկի․Reuters
Քաղաքականություն
30.05.2024 | 23:27
Ֆրանսիան շուտով կարող է ռազմական հրահանգիչներ ուղարկել Ուկրաինա՝ չնայած որոշ դաշնակիցների մտահոգություններին և Ռուսաստանի քննադատությանը։ Փարիզը կարող է իր որոշման մասին հայտարարել հաջորդ շաբաթ Ուկրաինայի նախագահի այցի ժամանակ։ Այս մասին Reuters-ին հայտնել են դիվանագիտական երեք աղբյուրներ:
Դիվանագետներն ասել են, որ Փարիզը հույս ունի ստեղծել և ղեկավարել երկրների կոալիցիա, որոնք նման օգնություն են առաջարկում Կիևին, թեև Եվրամիության որոշ գործընկերներ վախենում են, որ դա կարող է ավելի հավանական դարձնել Ռուսաստանի հետ ուղիղ հակամարտությունը:
Դիվանագետներից երկուսն ասել են, որ Ֆրանսիան նախ կուղարկի սահմանափակ քանակի անձնակազմ առաքելության պայմանները գնահատելու համար, այնուհետև մի քանի հարյուր հրահանգիչներ։
Նրանք կկենտրոնանան ականազերծման, սարքավորումների պահպանման և ռազմական ինքնաթիռների տեխնիկական սպասարկման վրա: Փարիզը նաև կֆինանսավորի, կզինի և կպատրաստի ուկրաինական մոտոհրաձգային բրիգադը։
«Մենք կարող ենք ինչ-որ բան ակնկալել հաջորդ շաբաթ»,- ասել է աղբյուրներից մեկը։
Ուկրաինայի նախագահ Վլադիմիր Զելենսկին Ֆրանսիա է ժամանելու հունիսի 6-ին․ նա հաջորդ օրը Փարիզում բանակցություններ է անցկացնելու Ֆրանսիայի նախագահ Էմանուել Մակրոնի հետ։
Ուկրաինայի զինված ուժերին հրամանատարն էլ երկուշաբթի հայտարարել էր, որ ստորագրվել են փաստաթղթեր, որոնք թույլ են տալիս ֆրանսիացի զինվորական հրահանգիչներին շուտով այցելել ուկրաինական ուսումնական կենտրոններ:
