07.10.2026 | 11:42
Հայաստանը պետք է տրամադրի անհետ կորած ադրբեջանցիների ճակատագրի վերաբերյալ ամբողջ տեղեկատվությունը․ Ալիև
ՄԱԿ-ի գլխավոր քարտուղարը Գազայում ավերածությունների ծավալն աննախադեպ է գնահատել
Քաղաքականություն
29.05.2024 | 22:14
ՄԱԿ-ի գլխավոր քարտուղար Անտոնիո Գուտերեշը ճապոնական NHK հեռուստաալիքին տված հարցազրույցում Գազայում ավերածությունների մակարդակն «աննախադեպ» է անվանել և Իսրայելին կոչ է արել հարգել Արդարադատության միջազգային դատարանի որոշումները։
«Խնդիրն այն է, որ ռազմական գործողությունն իրականացվել է այնպես, որ քաղաքացիական զոհերի թիվն ու քաղաքացիական ենթակառուցվածքների ու բնակարանների ոչնչացումների ծավալն աննախադեպ է, ավերածությունների մակարդակը բացարձակապես անընդունելի է»,- ասել է Գուտերեշը։
«Անհրաժեշտ է ապահովել միջազգային իրավունքի, միջազգային մարդասիրական իրավունքի գերակայությունը և հարգել Արդարադատության միջազգային դատարանի որոշումը։ Դա կարծիք չէ, դա պարտադիր որոշում է։ Իսրայելը պետք է կատարի այս որոշումը»,- ասել է Գուտերեշը։
Անցյալ ուրբաթ Արդարադատության միջազգային դատարանը Իսրայելին հանձնարարեց դադարեցնել ռազմական գործողությունը Ռաֆահում Գազայի հատվածի և Եգիպտոսի սահմանին։
