24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Մակրոնին 2024 թվականի Վեստֆալյան խաղաղության մրցանակ է շնորհվել
Քաղաքականություն
28.05.2024 | 22:44
Ֆրանսիայի նախագահ Էմանուել Մակրոնն արժանացել է Վեստֆալյան խաղաղության 2024 թվականի միջազգային մրցանակին, փոխանցում է DW-ի ռուսական ծառայությունը։
«Դուք պարզապես գործիչ չեք, դուք ոգեշնչող եք: Այնտեղ, որտեղ ուրիշները խոսում են սահմանների մասին, դուք խոսում եք հորիզոնների մասին»,- ասել է Գերմանիայի նախագահ Ֆրանկ-Վալտեր Շտայնմայերը մայիսի 28-ին Մյունսթերում մրցանակների հանձնման արարողության ժամանակ՝ Մակրոնի Գերմանիա եռօրյա այցի վերջին օրը:
Մրցանակը Ֆրանսիայի առաջնորդին շնորհվել է «Ուկրաինա ռուսական ներխուժման սկզբում հակամարտությունը զսպելու անխոնջ ջանքերի համար»:
Էմանուել Մակրոնը «եվրոպական ինքնիշխանության կոչ է արել ռուսական հարձակումից դեռևս շատ առաջ», ասել է Շտայնմայերը, որը նախագահել է մրցանակաբաշխության ժյուրին։ Նա Մակրոնին անվանել է «եռանդուն եվրոպացի» և շնորհակալություն հայտնել ֆրանս-գերմանական հարաբերություններին նվիրվածության համար։
«Այն փաստը, որ Ֆրանսիան և Գերմանիան այսօր այդքան մոտ են, ես դրանում համոզված եմ, նաև ձեր նմանների շնորհիվ է։ Դուք միշտ պատրաստ եք ընդառաջ գնալ Գերմանիային, նախաձեռնում եք քննարկումներ, փորձում եք ստիպել մեզ՝ գործել այստեղ ու այնտեղ»,- ասել է Գերմանիայի նախագահը իր ֆրանսիացի գործընկերոջ մասին։
Էմանուել Մակրոնին այս մրցանակը շնորհելու որոշումը կայացվել է դեռ 2023 թվականին։ Բայց մրցանակաբաշխությունը հետաձգվել է, քանի որ այդ տարի նախատեսված նրա պետական այցը Գերմանիա հետաձգվել է Ֆրանսիայում անկարգությունների պատճառով։
