07.10.2026 | 09:30
ՀՀ տարածքում ավտոճանապարհներն անցանելի են
Բորելը հայտարարել է, որ Իսրայելը պետք է կատարի Ռաֆահի վերաբերյալ ՄԱԿ-ի դատարանի որոշումը
Քաղաքականություն
27.05.2024 | 15:39
ԵՄ դիվանագիտության ղեկավար Ժոզեպ Բորելը հայտարարել է, որ ՄԱԿ-ի դատարանի որոշումը, որով Իսրայելին կոչ է արվում դադարեցնել հարձակումը Գազայում Ռաֆահի վրա, պետք է կատարվի, գրում է AFP-ն։
Իսրայելը շարունակում է հարվածներ հասցնել Ռաֆահին, քանի որ կառավարությունը մերժել է Արդարադատության միջազգային դատարանի՝ ուրբաթ կայացրած որոշումը: ՀԱՄԱՍ-ը և Պաղեստինի իշխանությունները հայտնել են, որ կիրակի իսրայելական հարվածները հարավային Ռաֆահ քաղաքի մոտ փախստականների ճամբարին տասնյակ մարդկանց կյանք են խլել, մինչդեռ իսրայելական բանակը հայտարարել է, որ թիրախավորել է ՀԱՄԱՍ-ի զինյալներին:
«Մենք պետք է ոչ միայն հարգանք արտահայտենք, այլև պահանջենք դատարանի որոշման կատարումը։ Սա իսկապես երկընտրանք է, թե ինչպես կարող է միջազգային հանրությունը պարտադրել որոշման կատարումը»,- Բրյուսելում ասել է Բորելը։
ԵՄ արտաքին գործերի նախարարները բանակցություններ էին վարում Սաուդյան Արաբիայի, Հորդանանի, Եգիպտոսի, Արաբական Միացյալ Էմիրությունների և Կատարի իրենց գործընկերների հետ։
«Մենք կլսենք նրանց տեսլականն այն մասին՝ ինչպես աջակցել Պաղեստինին և պաղեստինյան իշխանություններին, ինչպես նաև աշխուժացնել քաղաքական գործընթացը»,- ասել է Բորելը:
Նա նաև նշել է, որ ԵՄ նախարարները կքննարկեն 2007 թվականին դադարեցված առաքելության վերսկսման հարցը։
Հիշեցնենք, որ առնվազն 35 մարդ է զոհվել նախօրեին Ռաֆահում տեղահանվածների ճամբարին իսրայելական հարվածի հետևանքով։
