23.11.2024 | 15:05
Դոնալդ Թրամփը հայտարարել է ԱՄՆ-ի ֆինանսների նախարարի պաշտոնի հավանական թեկնածուին
Ռաֆահում փախստականների ճամբարին Իսրայելի հարվածն առնվազն 35 կյանք է խլել, հիմնականում՝ կանայք և երեխաներ
Քաղաքականություն
27.05.2024 | 12:13
Առնվազն 35 մարդ է զոհվել նախօրեին Ռաֆահում տեղահանվածների ճամբարին իսրայելական հարվածի հետևանքով։ Այս մասին հայտնում է Պաղեստինի առողջապահության նախարարությունը, գրում է CNN-ը։
Հարվածը հաջորդել է ՀԱՄԱՍ-ի կողմից Թել Ավիվի հրթիռակոծմանը։ Իսրայելի պաշտպանության բանակը հայտարարել է, որ ութ հրթիռ է արձակվել Ռաֆահի շրջանից։ Հարձակման պատասխանատվությունը ստանձնել է ՀԱՄԱՍ-ը։
Գազայի իշխանությունները հայտարարում են, որ հարված է հասցվել տեղահանվածների ճամբարին, որը Իսրայելը սահմանել էր որպես «անվտանգ գոտի»: Իսրայելի Պաշտպանության բանակն էլ նշում է, որ հարվածել է տարածքում գտնվող զինյալներին, ինչի հետևանքով սպանվել են ՀԱՄԱՍ-ի երկու բարձրաստիճան պաշտոնյաներ:
Սոցցանցերում տարածված տեսանյութերում երևում է տասնյակ ընտանիքների համար որպես ապաստարան ծառայող կոնտեյներում բռնկված հրդեհը, իսկ հարևանությամբ հարյուրավոր վրաններ են:
Գազայի առողջապահության նախարարությունը հայտնել է, որ հարվածի հետևանքով զոհվածներն ու վիրավորները հիմնականում կանայք և երեխաներ են: Պաղեստինի ինքնավարության նախագահությունը միջազգային հանրությանը կոչ է արել անհապաղ միջամտել:
ՀԱՄԱՍ-ը հարձակումն անվանել է «ջարդ» և հայտարարել, որ«պատասխանատվության կենթարկի ԱՄՆ վարչակազմին և նախագահ Ջո Բայդենին»:
