11.08.2026 | 10:33
Աննա Մկրտչյանի հայրը՝ Քասախի նախկին ղեկավարը կալանավորվել է
ՀԱՄԱՍ-ը տևական ժամանակ անց առաջին անգամ հրթիռներ է արձակել Թել Ավիվի ուղղությամբ. Իսրայելը հարվածել է Ռաֆահին
Քաղաքականություն
27.05.2024 | 11:27
Պաղեստինյան ՀԱՄԱՍ խմբավորումը կիրակի, վերջին ամիսների ընթացքում առաջին անգամ, հրթիռակոծել է Իսրայելի կենտրոնական տարածքները՝ հարվածելով Թել Ավիվին։ Ավելի ուշ իսրայելական բանակը հարվածներ է հասցրել Ռաֆահում գտնվող օբյեկտին, որը, ըստ Իսրայելի պաշտպանության բանակը, զինյալներն են օգտագործել, փոխանցում է BBC-ի ռուսական ծառայությունը։
Գազայի հատվածի Առողջապահության նախարարությունը, որը վերահսկվում է ՀԱՄԱՍ-ի կողմից, այս գիշեր հայտնել է, որ Ռաֆահում տեղահանվածների կենտրոնին հարվածն առնվազն 35 մարդու կյանք է խլել, վիրավորվել են տասնյակ մարդիկ:
Իսրայելի պաշտպանության բանակը հայտարարել է, որ ավիահարված է հասցրել քաղաքում ՀԱՄԱՍ-ի ճամբարին, և զինվորականները տեղյակ են խաղաղ բնակիչների վիրավորվելու մասին։
«Հարվածն իրականացվել է օրինական թիրախների դեմ՝ միջազգային իրավունքին համապատասխան՝ օգտագործելով ճշգրիտ զինամթերք և հիմնվելով ճշգրիտ հետախուզական տվյալների վրա, որոնք ցույց են տվել, որ ՀԱՄԱՍ-ը շահագործում է տարածքը»,- նշել է Իսրայելի պաշտպանության բանակը:
Ավելի վաղ առնվազն ութ հրթիռ է արձակվել Ռաֆահից Թել Ավիվի ուղղությամբ, մի քանիսը ոչնչացվել են, հայտնել են իսրայելացի զինվորականները: Տուժածների մասին տեղեկություններ չկան։
