05.08.2026 | 23:19
Արգենտինայի Պատգամավորների պալատում կազմավորվել է Հայաստանի հետ բարեկամության խումբ
«Արմավիր» քրեակատարողական հիմնարկի դատապարտյալների համար կազմակերպվել է հեռավար այցելություն Եղիշե Չարենցի տուն-թանգարան
Հասարակություն
15.05.2024 | 17:45
Հայաստանի Հանրապետության արդարադատության նախարարության «Արմավիր» քրեակատարողական հիմնարկում գործող ինքնագործ մշակութային միավորման անդամ դատապարտյալների նախաձեռնությամբ և հիմնարկի սոցիալական, հոգեբանական և իրավական աշխատանքների բաժնի օժանդակությամբ կազմակերպվել էր մշակութային միջոցառում՝ առցանց էքսկուրսիա Եղիշե Չարենցի տուն-թանգարան․ տեղեկացնում են ՔԿԾ-ից։
Մեծ բանաստեղծի թոռնուհին՝ տուն-թանգարանի ավագ գիտաշխատող Գոհար Չարենցը, ազատազրկված անձանց ներկայացրել է հանճարի ապրած ուղին՝ ներառյալ նրա բանտային կյանքի դրվագները, Չարենցի գործունեությունը, ընտանիքը, նրա ստեղծագործական ազդեցությունը ժամանակի և, առհասարակ, հայ մշակույթի վրա։
Հեռավար հանդիպումն ավարտվել է բուռն քննարկմամբ, ազատազրկված անձինք արտահայտել են իրենց մտքերն ու կարծիքները՝ միաժամանակ հարց ու պատասխանով ավելի ակտիվ դարձնելով միջոցառումը։
