24.06.2026 | 22:24
Հայաստանի դիվանագիտական ծառայության ներկայացուցիչների մոտ կեսը կանայք են. ԱԳՆ
Ոստիկանության մեքենան ակցիայի ժամանակ լրագրողի է հարվածել
Հասարակություն
14.05.2024 | 11:51
Վաղ առավոտից քաղաքում անցկացվող անհնազանդության ակցիաների ժամանակ ոստիկանության մեքենան Աբովյան փողոց-Հանրապետության հրապարակ հատվածում, հետիոտնային անցման վրա հարվածել է Mediahub.am-ի լրագրող Նարե Գևորգյանին։ Տեսանյութերում երևում է, որ դեպքից անմիջապես հետո ոստիկանն ուղեկցում է լրագրողին և դուրս բորում տարածքից։ Լրագրողը «Նաիրի» ԲԿ-ում հետազոտվում է, ունի ոտքի վնասվածք։
Հիշեցնենք, որ երեկ ևս ոստիկանների կողմից լրագրողների մասնագիտական գործունեության խոչընդոտման դեպքեր էին արձանագրվել։ Նախ բերման էին ենթարկել լրագրողի, ապա գետնին գցել Abcmedia.am-ի օպերատորին, քաշքշել և հրել են 24news.am լրատվական կայքի լրագրող Մերի Մանուկյանին, ինչի հետևանքով վերջինս կորցրել էր գիտակցությունը։ Լրագրողն ակցիայի վայրից շտապօգնության մեքենայով տեղափոխվել էր Հերացի թիվ մեկ համալսարանական հիվանդանոց, ապա դուրս գրվել։
ՆԳՆ ոստիկանությունից հայտնել են, որ այսօր ժամը 10:00-ի դրությամբ ակցիայի 38 մասնակից է բերման ենթարկվել։ ՆԳՆ-ից մանրամասնեցին, որ ակցիայի մասնակիցները բերման են ենթարկվել ոստիկանի օրինական պահանջը չկատարելու հիմքով։
Անի Թամրազյան
