24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՀՀ-ից պաշտոնապես խնդրեցին միջոցներ չձեռնարկել և չարտահանձնել, որի հիմքով և ազատ արձակվեցի. Տիգրան Ուրիխանյան
Քաղաքականություն
11.05.2024 | 18:57
Նախկին պատգամավոր, «Ալյանս» կուսակցության ղեկավար Տիգրան Ուրիխանյանը գրառում է կատարել ֆեյսբուքյան իր էջում՝ հայտնելով, որ ազատ է արձակվել։
«Այո, հայաստանյան իշխանության պատվերով աշնանը իմ նկատմամբ կարվել էր քրեական գործ հակաիշխանական կոչեր անելու համար։ Հայտարարվել էր հետախուզում, ՀՀ իրավապահները դիմել են ՌԴ իրավապահներին և, միջպետական համաձայնագրի շրջանակներում, ՌԴ֊ում հայտարարվել է դաշնային հետախուզում, որի շրջանակներում իմ նկատմամբ գործողություն իրականացվեց։
Զարմանալին այն է, որ ինձ արտահանձնելու համար պահանջվող նյութերը ՀՀ իրավապահների կողմից նախ չտրամադրվեցին ՌԴ իրավապահներին, այնուհետև հարցմանն ի պատասխան՝ ՀՀ-ից պաշտոնապես խնդրեցին միջոցներ չձեռնարկել և չարտահանձնել, որի հիմքով և ազատ արձակվեցի։
Հավանաբար ԱԱԾ֊ում գիտակցում են շինծու գործի անհեթեթությունն ու հետևանքները։ Միաժամանակ տեղեկատվական դաշտ են նետվում իմ նկատմամբ ՀՀ-ում այլ հոդվածներով քրեական գործեր հարուցելու մասին լուրեր։ Բնականաբար, կեղծիք է։ Նիկոլ, ես անպայման գալու եմ քո հետևից»,- գրել է Ուրիխանյանը։
Ավելի վաղ տեղեկացրել էինք, որ ՌԴ-ում ձերբակալվել է Տիգրան Ուրիխանյանը։
Մոսկվան Երևանին հայտնել է Տիգրան Ուրիխանյանի ձերբակալության մասին․ ԼՈՒՍԱՆԿԱՐ
