09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Չեխիան Ուկրաինային է հանձնել F-16 կործանիչների առաջին սիմուլյատորը
Քաղաքականություն
10.05.2024 | 23:15
Ուկրաինայի ռազմաօդային ուժերի հրամանատար Նիկոլայ Օլեշչուկը հայտնել է, որ Չեխիան Ուկրաինային է հանձնել F-16 կործանիչներ վարելու օդաչուների պատրաստման առաջին սիմուլյատորը, գրում է BBC-ի ռուսական ծառայությունը։
Նրա խոսքով՝ սիմուլյատորի հիմնական մոդուլն արդեն փորձարկվում է, իսկ ավելի ուշ կտեղադրվեն դրա մնացած մասերը, այդ թվում՝ խցիկը, որն իրատեսական պայմաններում ուսուցում կապահովի։
Սպասվում է, որ արևմտյան երկրների կողմից խոստացված առաջին F-16 ինքնաթիռները Ուկրաինա կժամանեն այս ամառ։ Այժմ ուկրաինացի օդաչուները շարունակում են այդ ինքնաթիռները վարելու ուսումնական ծրագիրը։
Մարտին հաղորդվեց, որ Դանիան, Նիդե8լանդները, Նորվեգիան և Բելգիան խոստացել են մոտ 45 կործանիչներ ուղարկել Ուկրաինա, ինչը բավարար է երեք փոքր էսկադրիլիաների համար:
