24.06.2026 | 18:23
AI լուծումներ, աշխարհագրության ընդլայնում և շատ ավելին. Eventhub-ի նոր հնարավորություններն ու առաջարկները
Իսրայելը պատրաստ է ժամանակավոր զինադադար կնքել ՀԱՄԱՍ-ի հետ
Քաղաքականություն
05.05.2024 | 16:11
Իսրայելը պատրաստ է ժամանակավոր զինադադար կնքել պաղեստինյան արմատական ՀԱՄԱՍ շարժման հետ՝ պատանդների ազատ արձակման դիմաց, սակայն չի հրաժարվի պատերազմի բոլոր նպատակներին հասնելուց, ներառյալ ՀԱՄԱՍ-ի ռազմական և քաղաքական ներուժի լիակատար վերացումը: Այս մասին հայտարարել է Իսրայելի վարչապետ Բենիամին Նեթանյահուն․ փոխանցում է ՌԻԱ Նովոստին։
«Իսրայելը պատրաստ է և մնում է համաձայնության գալ ռազմական գործողությունների դադարի վերաբերյալ՝ մեր առևանգվածներին ազատ արձակելու համար: Մենք այդպես արեցինք, երբ ազատեցինք 124 պատանդի և վերադարձանք կռվելու։ Եվ դա այն է, ինչ մենք պատրաստ ենք անել նաև հիմա: Վերջին մի քանի շաբաթների ընթացքում մենք շուրջօրյա աշխատում ենք համաձայնության հասնելու համար»,- ասել է վարչապետը ժողովրդին ուղղված տեսաուղերձում:
Նեթանյահուն քննադատել է մամուլի հրապարակումները, որոնք մեղադրում են իսրայելական կողմին գործարքը խոչընդոտելու մեջ՝ ընդգծելով, որ նման հրապարակումները միայն վնասում են բանակցային գործընթացին և տառապանք են պատճառում պատանդների ընտանիքներին։
Իսրայելի վարչապետ Բենիամին Նեթանյահուն պաղեստինյան ՀԱՄԱՍ շարժմանը մեղադրել է պատանդներին ազատ արձակելու դիմաց հրադադարի համաձայնագրի խաթարման մեջ և նրանց պահանջներն անընդունելի է անվանել։
