11.08.2026 | 13:12
24 ժամ ջուր չի լինի Երևանի և Կոտայքի մարզի մի շարք հասցեներում
Վրաստանի ապագան Եվրամիության հետ է. բաց մի՛ թողեք այս պատմական հնարավորությունը․ Միշելը՝ Կոբախիձեին
Քաղաքականություն
04.05.2024 | 18:10
Եվրոպական խորհրդի նախագահ Շառլ Միշելը X-ում արված գրառմամբ տեղեկացրել է, որ հեռախոսազրույց է ունեցել Վրաստանի վարչապետ Կոբախիձեի հետ։
«Վարչապետ Կոբախիձեի հետ հեռախոսազրույցում քննարկել ենք Վրաստանում տեղի ունեցող վերջին զարգացումները, վերահաստատել եմ Եվրամիության լիակատար աջակցությունը բոլոր վրացիներին, որոնք առաջնահերթություն են տալիս երկրի եվրոպական ապագային։ Վրաստանի քաղաքացիների՝ ժողովրդավարության, բազմակարծության, բաց հասարակության անհրաժեշտության մասին կոչերին պետք է ականջալուր լինել: Վրաստանի ապագան Եվրամիության հետ է. բաց մի՛ թողեք այս պատմական հնարավորությունը»,- ասել է Միշելը:
Հիշեցնենք, որ Թբիլիսիում արդեն մի քանի շաբաթ է՝ չեն դադարում բողոքի ցույցերը «օտարերկրյա գործակալների» մասին օրենքի նախագծի դեմ, որոնք ցուցարարներն անվանում են «ռուսական օրենք»։
