11.08.2026 | 13:12
24 ժամ ջուր չի լինի Երևանի և Կոտայքի մարզի մի շարք հասցեներում
Թուրքիան հայտարարել է, որ ԱՄՆ-ը պետք է ճնշում գործադրի Իսրայելի վրա՝ Գազայում ճգնաժամը դադարեցնելու համար
Քաղաքականություն
04.05.2024 | 17:54
ԱՄՆ-ն այն երկրներից է, որը կարող է նպաստել Գազայի հատվածի ճգնաժամի արագ կարգավորմանը։ Դա անելու համար Միացյալ Նահանգները պետք է ճնշում գործադրեն Իսրայելի վրա, ասել է Թուրքիայի խորհրդարանի միջազգային հարցերով հանձնաժողովի ղեկավար Ֆուաթ Օքթայը․ գրում է ՏԱՍՍ-ը։
«Կողմերից մեկը, որը կդադարեցնի այս պատերազմը, ԱՄՆ-ն է, որ նա պետք է մեծացնի ճնշումը Իսրայելի վրա», – մեջբերում է քաղաքական գործչի խոսքը Haber Global հեռուստաալիքը։
Թուրքիայի խորհրդարանական պատվիրակության գլխավորությամբ ԱՄՆ այցելած Օքթայի խոսքով՝ Անկարայի ու Վաշինգտոնի միջև Գազայում տիրող իրավիճակի շուրջ տարաձայնություններ կան։ «Իրադարձությունները, որոնք հանգեցրին ավելի քան 35 հազար մարդու մահվան, չեն կարող բարձրաձայնվել ՀԱՄԱՍ-ի [արմատական պաղեստինյան շարժման] պարադիգմից, որ պաղեստինյան հարցը գոյություն ունի արդեն գրեթե 100 տարի», – ասել է նա:
«Թուրքիան խնդիրներ չունի Իսրայելի ժողովրդի հետ, խնդիրը բռնության և քաղաքականության մեջ է, որը վարում է այս երկրի վարչակազմը։ Գազայում կրակի շուտափույթ դադարեցումը և տարածաշրջան հումանիտար օգնության ապահովումը Թուրքիայի գլխավոր առաջնահերթություններն են»,- նշել է Օքթայը։
