23.02.2026 | 13:20
ԹԻՀԿ ծրագրերի ղեկավար Վարուժան Հոկտանյանի ասուլիսը. ՈՒՂԻՂ
Քաղաքագետ Սուրեն Պետրոսյանն ազատ է արձակվել
Հասարակություն
26.04.2024 | 20:40
Քաղաքագետ Սուրեն Պետրոսյանը քիչ առաջ ազատ արձակվեց ձերբակալվածների պահման վայրից։ Այս մասին FactorTV-ին ասաց նրա պաշտպանությունը ստանձնած փաստաբան Վարազդատ Հարությունյանը։
«Ձերբակալման 72-րդ ժամը լրանալու հիմքով Սուրեն Պետրոսյանն ազատ արձակվեց։ Այս պահին առաջադրված որևէ մեղադրանք չկա, սակայն սա դեռ չի նշանակում, որ վաղը կամ հաջորդող օրերին դա տեղի ունենալ չի կարող»,- նշեց Հարությունյանը։
FactorTV-ի հարցին, թե արդյոք Պետրոսյանի նկատմամբ որևէ բռնություն գործադրվել է, փաստաբանը բացասական պատասխան տվեց։
Հիշեցնենք՝ քրեական վարույթուվ Սուրեն Պետրոսյանը կասկածվում է խուլիգանության, գույքի ոչնչացման և այլ անձի նկատմամբ ֆիզիկական ներգործության համար։
«Սուրեն Պետրոսյանը չունի որևէ առնչություն այդ երեք մեղադրանքների հետ», – դեռ երեկ ասել էր փաստաբանը՝ հայտնելով, որ քաղաքագետը վարույթի շրջանակներում հարցաքննվել է։
Հիշեցնենք՝ ապրիլի 23-ին Տավուշի մարզում ոստիկանները բերման են ենթարկել սահմանազատման գործընթացի շուրջ բողոքի ակցիա իրականացնող մոտ 20 քաղաքացիների, նրանց թվում էր քաղաքագետ Սուրեն Պետրոսյանը։ Ավելի ուշ, նա ձերբակալվեց։
Ռոզա Վարդանյան
