22.07.2026 | 10:45
Նորընտիր Ազգային ժողովի առաջին նիստը կգումարվի օգոստոսի 2-ին՝ կիրակի
Սուրեն Պետրոսյանը հարցաքննվել է. նա այս պահին ՁՊՎ-ում է
Քաղաքականություն
25.04.2024 | 23:35
Քաղաքագետ Սուրեն Պետրոսյանը, որն այս պահին գտնվում է ձերբակալվածների պահման վայրում, այսօր հարցաքննվել է։ Այս մասին տեղեկացնում է նրա պաշտպանությունը ստանձնած փաստաբան Վարազդատ Հարությունյանը։
«Այսօր Սուրեն Պետրոսյանի հետ մասնակցել ենք հարցաքննությանը։ Նրա տրամադրությունը լավ էր՝ մարտական։ Սուրեն Պետրոսյանի նկատմամբ բռնություն չի կիրառվել», – FactorTV-ի հետ զրույցում նշեց Հարությունյանը։
Այս պահին ընթացիկ փուլ է, և վաղն արդեն լրանում է 72 ժամը, ինչը նշանակում է՝ կա’մ պետք է Սուրեն Պետրոսյանն ազատ արձակվի, կա’մ մեղադրանք առաջադրվի։
Քրեական վարույթուվ Սուրեն Պետրոսյանը կասկածվում է խուլիգանության, գույքի ոչնչացման և այլ անձի նկատմամբ ֆիզիկական ներգործության համար։
«Առաջ չեմ ուզում ընկնեմ իրադարձություններից, բայց ակնհայտորեն Սուրեն Պետրոսյանը չունի որևէ առնչություն այդ երեք մեղադրանքների հետ», – նշեց փաստաբանը՝ հույս հայտնելով, որ Սուրեն Պետրոսյանին որևէ մեղադրանք չի առաջադրվի, և նա վաղը ազատ կարձակվի։
Հիշեցնենք՝ ապրիլի 23-ին, Տավուշի մարզում ոստիկանները բերման են ենթարկել սահմանազատման գործընթացի շուրջ բողոքի ակցիա իրականացնող մոտ 20 քաղաքացիների, նրանց թվում էր քաղաքագետ Սուրեն Պետրոսյանը։ Նա դեռևս մարտի 26-ից գտնվում էր Ոսկեպարում։
Ռոզա Վարդանյան
