23.02.2026 | 13:20
ԹԻՀԿ ծրագրերի ղեկավար Վարուժան Հոկտանյանի ասուլիսը. ՈՒՂԻՂ
Ոստիկանությունը՝ Սևան-Երևան ճանապարհին մեքենաների ստուգման մասին
Հասարակություն
26.04.2024 | 11:52
Երթևեկության անվտանգությամբ պայմանավորված՝ Սևան-Երևան ավտոճանապարհին ստուգվել են բոլոր ավտոմեքենաների փաստաթղթերը, այս մասին Factor.am-ին հայտնեցին ՆԳՆ ոստիկանությունից՝ անդրադառնալով տեղեկություններին, թե, պարեկները կանգնեցնում են բոլոր բեռնատար մեքենաները` արգելելով դրանց մուտքը Երևան։
«Ե՛վ մարդատար, և՛ բեռնատար մեքենաները ստուգվել են և շարունակել իրենց ճանապարհը։ Տեսանյութում երևացող բոլոր մեքենաները ինձ թվում է՝ հիմա հասել են Երևան»,- փոխանցեցին ոստիկանությունից։
Հիշեցնենք, լրատվամիջոցներում տեսանյութեր են տարածվել՝ պնդումով, թե Սևան-Երևան ավտոմայրուղու վրա պարեկները կանգնեցնում են բոլոր բեռնատար մեքենաները` արգելելով մուտք գործել Երևան։
Մանյա Պողոսյան
