16.12.2025 | 14:24
Քննարկվել են ՀՀ և Վրաստանի ՊՆ-ների միջև ռազմավարական հաղորդակցության ոլորտում համագործակցության ընդլայնման հարցեր
Քաղաքագետ Սուրեն Պետրոսյանին տարել են ՁՊՎ
Հասարակություն
24.04.2024 | 12:46
Երեկ երեկոյան Տավուշի մարզում Բագրատաշեն տանող ճանապարհին կարմիրբերետավորները բերման են ենթարկել ճանապարհը փակած քաղաքացիներին։ Բոլոր բերման ենթարկվածներն ազատ են արձակվել, բացի քաղաքագետ Սուրեն Պետրոսյանից։
Factor.am-ին հայտնի դարձավ, որ նա տեղափոխվել է Երևան՝ ձերբակալվածների պահման վայր։ Մեր տեղեկություններով՝ նրան ձերբակալել են խուլիգանության կասկածանքով իսկ գործով մինչ այս պահը պաշտպան ներգրավված չէ։ Քննչական կոմիտեի մամուլի խոսնակի հետ կապ հաստատել չի հաջողվում։
ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան էջում գրել է, որ տեսակցել է Սուրեն Պետրոսյանին։
«Իշխանությունը Տավուշում սկիզբ առած քաղաքացիների արդարացի դիմադրությունը կասեցնելու, վիժեցնելու համար փորձում է բռնության, շանտաժի, մեկուսացնելու գործիքներ կիրառել, որի հետևանքով բազմաթիվ մարդիկ են բերման ենթարկվում, իսկ Սուրենը երեկվանից ձերբակալված է:
Ոստիկանական ուժերն ու սադրիչների խմբակները փորձում են մարդկանց բախումների դաշտ հրել, ինչն իրենց համար ճնշումների առիթ կստեղծի և ձերբակալությունների շարք կսկսեն: Իշխանությունը քաղաքական նկատառումներով Սուրենին պարզապես զրկել է ազատությունից»,- գրել է պատգամավորը։
Արփի Հակոբյան
