17.02.2026 | 16:21
Վարչապետն ընդունել է ԵՀ հարևանության և ընդլայնման բանակցությունների հարցերով գլխավոր տնօրենին
Լավրովը ՀՀ-ն «նախկինի նման» ՌԴ-ի դաշնակից է համարում
Քաղաքականություն
19.04.2024 | 15:55
Ռուսաստանը Հայաստանին նախկինի նման դաշնակից է համարում և ոչ միայն իրավական առումով։ Այս մասին ասել է ՌԴ ԱԳ նախարար Սերգեյ Լավրովը ռուսական երեք լրատվականների տված հարցազրույցում։
«Մենք ՀՀ-ի հետ, ամեն դեպքում, դաշնակիցներ ենք։ Մենք նախկինի նման մեզ դաշնակիցներ ենք համարում։ Մենք դաշնակիցներ ենք իրավաբանորեն։ Կարծում եմ, որ ոչ միայն իրավաբանորեն, և որ այնտեղ կան մարդիկ, ովքեր հասկանում են ՌԴ-ի նշանակությունը ՀՀ անվտանգության ու տնտեսական զարգացման համար»,- ասել է Լավրովը։
Նա մեջբերել է նաև ՀՀ վարչապետ Նիկոլ Փաշինյանի վերջին հայտարարությունը, որ Մոսկվայի հետ հարաբերությունները դժվար ժամանակներ են ապրում, սակայն դրանց կարևորությունը չի կարելի գերագնահատել։
«Ինձ թվում է, որ դրանք շատ կարևոր խոսքեր են, քանի որ սա ինչ-որ չափով արձագանք է Արևմուտքի՝ ԱՄՆ-ի և Եվրամիության, նախ և առաջ՝ Հայաստանին Ռուսաստանի Դաշնությունից արագացված տեմպերով պոկելու ամբարտավան գործողություններին»,- ասել է ՌԴ ԱԳ նախարարը։
