30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Tesla-ն կկրճատի աշխատակիցների ավելի քան 10%-ին
Քաղաքականություն
15.04.2024 | 22:17
Էլեկտրական մեքենաներ արտադրող ամերիկյան Tesla ընկերությունն աշխատանքից կազատի աշխատակիցների ավելի քան 10%-ին, հայտնել է Electrek տեխնոլոգիական ոլորտի պորտալը՝ վկայակոչելով ընկերության ներքին հաղորդագրությունը, գրում է Reuters-ը։
Tesla-ի տարեկան հաշվետվության համաձայն՝ 2023 թվականի դեկտեմբերի դրությամբ՝ ընկերությունն ուներ 140,473 աշխատակից ամբողջ աշխարհում։ Աշխատողների կրճատումները, որոնց մասին հաղորդում են ոլորտի լրատվամիջոցները, կարող են ազդել մոտ 15,000 աշխատողի վրա:
Tesla-ի բաժնետոմսերի արժեքը երկուշաբթի սակարկությունների ժամանակ նվազել է 0,3%-ով:
Պլանավորված աշխատատեղերի կրճատումները տեղի են ունենում այն բանից հետո, երբ Tesla-ն այս ամսվա սկզբին հայտնեց, որ իր տրանսպորտային միջոցների համաշխարհային մատակարարումներն առաջին եռամսյակում նվազել են առաջին անգամ մոտ չորս տարվա ընթացքում, քանի որ գների կրճատումը չի կարողացել խթանել պահանջարկը:
