30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Տաջիկստանի ԱԳՆ-ն դատապարտել է «Կրոկուս»-ում ահաբեկչության գործով մեղադրյալների խոշտանգումները
Քաղաքականություն
12.04.2024 | 23:15
Տաջիկստանի արտաքին գործերի նախարար Սիրոջիդին Մուխրիդինն ասել է, որ Ռուսաստանի իրավապահ մարմինները «Կրոկուս սիթի հոլլ»-ում տեղի ունեցած ահաբեկչությունը հետաքննելիս պետք է պահպանեն միջազգային իրավունքի նորմերն ու սկզբունքները, հատկապես՝ անմեղության կանխավարկածի և խոշտանգումների արգելքի վերաբերյալ։ Այս մասին նա ասել է ապրիլի 12-ին Մինսկում՝ ԱՊՀ-ի ԱԳ նախարարների խորհրդի նիստում, գրում է Meduza-ն։
«Ահաբեկչական գործողության ենթադրյալ հեղինակներին կալանավորելու կադրերի ցուցադրումը բաց տեղեկատվական տարածքում անընդունելի է։ Նրանց նկատմամբ խոշտանգումների կիրառմամբ ձեռք բերված խոստովանությունների գինը բոլորին քաջ հայտնի է»,- ասել է նախարարը։
Նա նաև նշել է, որ «չմտածված տեղեկատվական արշավի» արդյունքում «բացասական ընկալում է ձևավորվում Տաջիկստանի քաղաքացիների և տաջիկների նկատմամբ, ինչն անընդունելի է»։
Ըստ նրա՝ Տաջիկստանն ակնկալում է, որ ահաբեկչության հետաքննությունը կլինի անաչառ և արդար, և կպատժվեն բոլորը՝ «կազմակերպիչները, մեղավորները, հանցակիցները և նրանք, որոնք պատվիրել են այդ սարսափելի հանցագործությունը»։
