12.12.2024 | 11:45
Ենթադրում եմ՝ բոլոր ճանապարհները չեն նորոգվել, պետք է գրել՝ քանի կիլոմետր․ Փաշինյանը՝ Խուդաթյանին․ ՏԵՍԱՆՅՈՒԹ
Նաիրի Զարյանի անվան 130 դպրոցի տնօրենին առնչվող գործի նախաքննությունը Հակակոռուպցիոն կոմիտեում շարունակվում է
Հասարակություն
10.04.2024 | 10:47
Երևանի Նաիրի Զարյանի անվան թիվ 130 դպրոցի տնօրեն Նվարդ Հովսեփյանն ազատվել է աշխատանքից: Տեղեկությունը Factor.am-ին փոխանցեցին Երևանի քաղաքապետարանի լրատավության վարչությունից։ Վարչությունից հայտնում են, որ Նվարդ Հովսեփյանն ազատման դիմում է ներկայացրել, որն ընդունվել է, իսկ տնօրենի ժամանակավոր պաշտոնակատար նշանակվել է թիվ 116 դպրոցի ուսուցիչ Նելլի Ղարազրյանը:
Հակակոռուցիոն կոմիտեում Նաիրի Զարյանի անվան թիվ 130 դպրոցի տնօրենին առնչվող քրեական վարույթ կա։ Կոմիտեից Factor.am-ին հայտնեցին, որ նախաքննությունը շարունակվում է, մեղադրյալի կարգավիճակում գտնվող անձինք չկան։
Հիշեցնենք, որ մոտ երկու ամիս առաջ Նաիրի Զարյանի անվան 130 հիմնական դպրոցում մթնոլորտը լարված էր․ աշակերտները դասադուլ էին իրականացնում, ծնողները՝ բողոքի ակցիա: Նրանք դժգոհում էին այն մեթոդներից, որոնցով տնօրենը շուրջ 1.5 տարի ղեկավարում է դպրոցը: Դպրոցի տնօրենի երեք տեղակալները ներկայացրել էին դիմում՝ տնօրենի տեղակալի իրենց լիազորությունները դադարեցնելու վերաբերյալ։
Անի Թամրազյան
