18.05.2024 | 22:23
Աշխաբադում բացվել է Սայաթ-Նովայի արձանը
Դոլարի նվազումը տնտեսական հետևանքներ է ունենալու, կառավարությունն իր անելիքը չպետք է գցի ԿԲ-ի գրպանը․ ՏԵՍԱՆՅՈՒԹ
Տնտեսություն
03.04.2024 | 15:25
Դոլարի փոխարժեքի նվազումն ունենալու է բացասական տնտեսական հետևանքներ, այս մասին Factor TV-ի հետ զրուցում ասաց ՀՀ ԱԺ «Հայաստան» խմբակցության պատգամավոր Թադևոս Ավետիսյանը։ Նրա դիտարկմամբ՝ դոլարի փոխարժեքի նվազումն առաջին և մեծ հարվածը հասցնելու է արտահանման և ՏՏ ոլորտներին։
«Տուժելու են այն ոլորտները, որոնք իրենց շրջանառությունը կատարում են դոլարով։ Խնդիրներ կան ՏՏ ոլորտում․ շատերը Հայաստանից դուրս են գալիս։ Խնդիրը վաղուց է և այս վերջին արժևորումն էլ ավելի է վատթարացնելու վիճակը»,- նշեց պատգամավորը։
Թադևոս Ավետիսյանի կարծիքով տնտեսության վրա դոլարի փոխարժեքի նվազման բացասական ազդեցությունը մեղմելու համար, կառավարությունը պետք է սկսի գործիքակազմ կիրառել՝ չպասելով ավելի վատ սցենարի։
«Դոլարի նվազումը տնտեսական հետևանքներ է ունենալու, կառավարությունն անելիքը չպետք է հրի և գցի ԿԲ-ի գրպանը»,- նկատեց մեր զրուցակիցը։
Նշենք, որ վերջին շաբաթներին դրամ-դոլարի փոխարժեքը շարունակաբար նվազում է։ Այսօրվա դրությամբ տարադրամի կետերում դոլարի առքը կազմում է միջինում 386.5 դրամ, իսկ վաճառքը՝ 390.5 դրամ։
Մանրամասները՝ տեսանյութում։
