21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Հայաստան-Ադրբեջան սահմանին արտասովոր շարժումներ չեն նկատվել․ ԵՄ դիտորդական առաքելություն
Քաղաքականություն
31.03.2024 | 16:42
ԵՄ դիտորդական առաքելությունն ամբողջ օրը հսկողություն է իրականացրել Հայաստան-Ադրբեջան սահմանի երկայնքով, արտասովոր շարժումներ չեն նկատվել․ այս մասին հաղորդագրություն է տարածվել է առաքելության X-ի էջում։
ԵՄ հատուկ ներկայացուցիչ Տոյվա Կլաարը կիսվել է գրառմամբ և նշել, որ առաքելությունից նման հաստատում ստանալը լավ է․ «Հենց դա է առաքելության նպատակը՝ ապահովել ավելի մեծ թափանցիկություն և ստեղծել վստահություն։ Այն բաց է մնում նաև Ադրբեջանի իշխանությունների հետ ավելի մեծ ներգրավվածության համար»,- նշել է ԵՄ ներկայացուցիչը։
Հիշեցնենք՝ Ադրբեջանի ՊՆ-ն հաղորդագրություն է տարածել, որում պնդում է, թե «հայ-ադրբեջանական պայմանական սահմանի տարբեր ուղղություններում առկա է կենդանի ուժի, զրահատեխնիկայի, հրետանային կայանքների, ինչպես նաև այլ ծանր հրաձգային զինատեսակների կենտրոնացում և Հայաստանի զինված ուժերի ստորաբաժանումների ինտենսիվ տեղաշարժ»:
ՀՀ ՊՆ-ից հերքեցին Բաքվի հայտարարությունները՝ նշելով, որ սահմանում օպերատիվ իրավիճակը կայուն է և սահմանի պահպանության համար լրացուցիչ միջոցներ ձեռնարկելու անհրաժեշտություն չկա։
Good to have confirmation from @EUmARMENIA that no unusual military movements have been observed. That is what the purpose of the mission is: to provide greater transparency and build confidence. It remains open to more engagement also with the authorities of 🇦🇿. https://t.co/hIxU5wvqTh
— Toivo Klaar (@ToivoKlaar) March 31, 2024
