13.12.2025 | 16:15
Դեկտեմբերի 14-ի գիշերը Երևանի հանրային տրանսպորտն ավելի երկար կաշխատի
Ադրբեջանում պատգամավորն առաջարկել է «Կրոկուս»-ում ահաբեկչության հետ կապված Մեջլիսի արտահերթ նիստ հրավիրել
Քաղաքականություն
29.03.2024 | 23:16
Ադրբեջանի Միլլի Մեջլիսի այսօրվա նիստում պատգամավոր Գուդրաթ Հասանգուլիևն առաջարկել է խորհրդարանի արտահերթ նիստ գումարել՝ մոսկովյան «Կրոկուս սիթի հոլլl» համերգասրահում տեղի ունեցած ահաբեկչության հետ կապված, գրում են տեղական լրատվամիջոցները։
Նա հայտարարել է, որ Ռուսաստանում վերջերս տեղի ունեցած ահաբեկչությունից հետո Ադրբեջանում անհրաժեշտություն է առաջացել տեղեկատվություն տրամադրել անվտանգության ոլորտում կատարված աշխատանքների մասին։
«Առաջարկում եմ Միլլի Մեջլիսի արտահերթ նիստ հրավիրել: Ռուսաստանում տեղի ունեցածից հետո անհրաժեշտ է, որ Ադրբեջանում նույնպես տեղեկատվություն տրամադրվի անվտանգության ոլորտում կատարված աշխատանքի մասին: Այդ նիստը կարող է փակ լինել»,- ասել է Հասանգուլիևը:
Հիշեցնենք, որ մարտի 22-ի երեկոյան մերձմոսկովյան «Crocus City Hall»-ում ահաբեկչության հետևանքով զոհերի թիվը հասել է 144-ի։
