07.10.2026 | 12:10
Փաշինյանը՝ ադրբեջանցի զինվորին Բաքվին հանձնելու մասին // ՌԴ-ում ԱՄՆ դեսպանատունը տագնապ է տարածել․ ԼՈՒՐԵՐ
ՌԴ-ում «Կրոկուս»-ի ահաբեկչության գործով չորս մեղադրյալների ահաբեկիչների և ծայրահեղականների ցանկում են ներառել
Քաղաքականություն
28.03.2024 | 21:35
Ռոսֆինմոնիտորինգը ահաբեկիչների և ծայրահեղականների ցուցակում է ավելացրել Մոսկվայի «Կրոկուս սիթի հոլլ» համերգասրահում ահաբեկչության գործով չորս մեղադրյալների, հայտնել են գերատեսչության մամուլի ծառայությունից։
Խոսքը Տաջիկստանի քաղաքացիներ Դալերջոն Միրզոևի, Սաիդաքրամ Ռաչաբալիզոդայի, Շամսիդին Ֆարիդունիի և Մուհամմադսոբիր Ֆաիզովի մասին է, որոնց հետաքննությունը համարում է ահաբեկչության անմիջական կատարողներ։
Ներկայում բոլոր չորս մեղադրյալները կալանքի տակ են մինչև 2024 թվականի մայիսի 22-ը։ Նրանց կալանքի գործով նիստը փակ է եղել մամուլի համար, բոլոր մեղադրյալները դաժան խոշտանգումների նշաններով են հայտնվել դատարանի դահլիճում, մեկը՝ սայլակի վրա։
Մեկնաբանելով «Կրոկուս սիթի հոլլ»-ում տեղի ունեցած ահաբեկչությունը՝ ՌԴ Անվտանգության խորհրդի փոխնախագահ Դմիտրի Մեդվեդևն ասել է, որ անհրաժեշտ է «սպանել ահաբեկչության բոլորի մասնակիցներին», այդ թվում՝ հենց հեղինակներին։ Իր հերթին, Ռուսաստանի վարչապետ Միխայիլ Միշուստինը հայտարարել է, որ համերգասրահում տեղի ունեցած ահաբեկչության մեղավորները ողորմության արժանի չեն։
