25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
Իսրայելի պաշտպանության բանակը հայտնել է, որ ՀԱՄԱՍ-ի ավելի քան 200 զինյալ է սպանվել Շիֆայի հիվանդանոցում
Քաղաքականություն
28.03.2024 | 20:46
Իսրայելի պաշտպանության բանակը (IDF) հաղորդել է Գազայի Շիֆա հիվանդանոցի վրա հարձակման ժամանակ ՀԱՄԱՍ-ի ավելի քան 200 զինյալների սպանության մասին, գրում է Times of Israel-ը։
Զինյալները Շիֆայի հիվանդանոցից դուրս են եկել մարտի 27-ն, որտեղ թաքնվել ու կրակ են բացել իսրայելցի զինվորականների ուղղությամբ։ Նման մարտեր գրանցվել են վերջին մի քանի օրերին։
Իսրայելի իշխանությունները ռեյդի ժամանակ քաղաքացիական անձանց, հիվանդներին ու բուժանձնակազմին տարհանել են հոսպիտալի այլ հատված, որը «Իսրայելի պաշտպանության բանակը նախապատրատել էր, որպեսզի ապահովի համապատասխան բուժօգնություն»։
ՀԱՄԱՍ-ի տասնյակ զինյալներ ոչնչացվել են մարտի 27-ին անկլավի հարավում գտնվող Ալ-Քարար քաղաքում և Խան Յունիսի Ալ-Ամալ կոչվող շրջանում։
Իսրայելի պաշտպանության բանակից հավելել են, որ Գազայի հարավում հայտնաբերվել ու ոչնչացվել են ՀԱՄԱՍ-ի զենքի պահեստները, իսկ անկլավի կենտրոնում անցած օրերի ընթացքում մի քանի զինյալների խմբեր են սպանվել «Նախալ» ջոկատի կողմից։
