12.03.2026 | 22:38
Թուրքիայում սկսել են ձերբակալել ու ճնշել Ալիևին քննադատողներին՝ Ադրբեջանից Էրդողանի փեսայի հասցեին մեղադրանքներից հետո
Մոսկվա-Երևան չվերթի ուղևորի մոտ ռումբ չի հայտնաբերվել
24.03.2024 | 18:48
Մոսկվա-Երևան չվերթը, որը հետաձգվել էր, քանի որ ուղևորներից մեկն ասել էր՝ իր ձեռքի ուղեբեռում ռումբ կա, «Շերեմետևո» օդանավակայանից օդ է բարձրացել Մոսկվայի ժամանակով 16։12-ին։ Ուղևորուհու մոտ արգելված ոչինչ չի հայտնաբերվել․ ՌԻԱ Նովոստիին ասել է օդանավակայանի ներկայացուցիչ Աննա Զախարենկովան։
«2024 թվականի մարտի 24-ին Մոսկվա-Երևան երթուղով SU1862 չվերթի (նախատեսված մեկնման ժամը՝ 14.30) թռիչքի նախապատրաստման ժամանակ օդանավում միջադեպ է տեղի ունեցել, որը հանգեցրել է թռիչքի հետաձգման: Ուղևորների և ձեռքի ուղեբեռի մանրակրկիտ զննման արդյունքում ոչ մի արգելված իր չի հայտնաբերվել: Օդանավտ մեկնել է Մոսկվայի ժամանակով ժամը 16.12-ին դեպի նպատակակետ»,- ասել է Զախարենկովան։
Նա պարզաբանել է, որ չվերթի մեկնմանը նախապատրաստվելիս «1967 թվականին ծնված ուղևոր Յ.Վ. Վոլոշինան հայտարարել է, որ իր ձեռքի ուղեբեռում պայթուցիկ սարք կա»։
«Սա անընդունելի կանխամտածված գործողություն է Յ.Վ. Վոլոշինայի կողմից ազգային սգո օրը: «Շերեմետևո» օդանավակայանը կձեռնարկի բոլոր անհրաժեշտ միջոցները՝ ուղևորին Ռուսաստանի Դաշնության օրենսդրության շրջանակներում առավելագույն պատասխանատվության ենթարկելու համար»,- եզրափակել է օդանավակայանի ներկայացուցիչը։
Հիշեցնենք, որ «Շերեմետևո» օդանավակայանում Երևան մեկնող չվերթի ուղևորը հայտնել է, որ իր ձեռքի ուղեբեռում ռումբ կա: Միջադեպից հետո օդանավակայանի աշխատակիցները ոստիկանություն էին կանչել։
