20.05.2024 | 12:20
Իրանի նախագահն ու ԱԳ նախարարը զոհվել են, ԱԱԾ-ն ստանձնում է Տավուշում սահմանի պահպանությունը․ ԼՈՒՐԵՐ
«Դոժդի» խմբագիրը ներողություն է խնդրել եթերում հայերին ուղղված անհիմն մեղադրանքներ հնչեցնելու համար
Քաղաքականություն
23.03.2024 | 19:10
«Դոժդ» հեռուստաալիքի գլխավոր խմբագիր Տիխոն Ձյադկոն հանդես է եկել հայտարարությամբ՝ պարզաբանումներ ներկայացնելով ուղիղ եթերում հեռուստադիտողի հնչեցրած այն մտքի վերաբերյալ, թե իբր Ռուսաստանում ահաբեկչության մեջ «հայկական հետք» է եղել․ «Դոժդի» երեկվա հատուկ թողարկման համատեքստում ուզում եմ մի կարևոր բան ասել։
Երևի ձեզնից շատերը երեկ եթերում լսել են մի տղամարդու, ով ներկայացել է որպես Crocus-ի ձայնային ինժեներ: Նա նշել է, որ իբր լսել է, որ հարձակվողները «խոսել են հայերեն և հայերենով անպարկեշտ արտահայտություններ արել», ինչպես նաև առանց ապացույցների պնդել է «հայկական հետքի» գոյության մասին: Եթեր դուրս գալուց առաջ՝ նախնական հարցազրույցի ժամանակ, այդ անձը նման բան չի ասել։ Երբ լսեցինք նման չհիմնավորված մեղադրանքներ, հաղորդավարն ընդգծեց, որ դա անհիմն է։ Մենք այս անձին եթերից հանեցինք և այս հատվածը կտրեցինք եթերից։ Ներողություն եմ խնդրում «Դոժդի» եթերում նման չհիմնավորված մեղադրանքներ հնչեցնելու համար»,- իր ֆեյսբուքյան էջում գրել է Տիխոն Դզյադկոն։
Այսօր Ռուսաստանում Հայաստանի դեսպանատունը խոր մտահոգություն էր հայտնել Մոսկվայի Crocus City Hall-ում տեղի ունեցած արյունալի ահաբեկչությանն իբր հայերի առնչության վերաբերյալ «Դոժդ» հեռուստաալիքի եթերում հնչած արտահայտությունների կապակցությամբ:
«Վրդովեցուցիչ ենք համարում նման տեղեկատվության նպատակաուղղված տարածումը, որը չի համապատասխանում իրականությանը ու ուղղված է Ռուսաստանում հակահայկական տրամադրություններ բորբոքելուն։
Ողբերգությունից անմիջապես հետո Հայաստանը հանդես եկավ խաղաղ քաղաքացիների դեմ անմարդկային ոճրագործությունը դատապարտող հայտարարություններով: Մեր հայրենակիցները Երևանում վաղ առավոտից հարգանքի տուրք են մատուցում բոլոր զոհվածների հիշատակին՝ ծաղիկներ խոնարհելով Հայաստանում Ռուսաստանի դեսպանատան մոտ։ Մեր բոլոր մտքերը և աղոթքները Ռուսաստանի ժողովրդի հետ են», – ասված է հայտարարությունում:
Մոսկվայում Հայաստանի դեսպանատունը կոչ է արել կեղծ տեղեկատվություն չտարածել, հետևել պաշտոնական աղբյուրներին:
Թերևս զարմանալի կլիներ, եթե հայերին զրպարտող այս գործողության հետևում «ադրբեջանական հետք» չլիներ։ «Դոժդի» եթերում «հայկական հետքի» մասին պատմողը եղել է ծագումով ադրբեջանցի ոմն Էմին, ով ներկայացել է իբրև Crocus City Hall-ի աշխատակից, և որպես ականատես պնդել է, թե հարձակում գործած ահաբեկիչներից հայերեն հայհոյանքներ է լսել:
Ի դեպ, Crocus City Hall-ի սեփականատերը ծագումով ադրբեջանցի Արազ Աղալարովն է։ Նրա որդին՝ Էմին Աղալարովը Ադրբեջանի նախագահ Իլհամ Ալիևի դստեր նախկին ամուսինն է։
ՌԴ Քննչական կոմիտեի նախնական տվյալներով՝ զոհվել է առնվազն 133 մարդ:
