15.06.2026 | 21:17
Հայաստանի և Շվեդիայի ԱԳ նախարարներն անդրադարձել են ՀՀ-ԵՄ գործընկերության խորացման հեռանկարներին
Ավելի լավ է Սերժ Սարգսյանը վարչապետ լինի. Սասուն Միքայելյան
Տեսանյութեր
10.07.2017 | 13:43
Վերջերս եկել եմ այն եզրակացության, որ թող Սերժ Սրագսյանը լինի վարչապետ: Այս մասին հայտարարեց «Ելք» խմբակցության պատգամավոր Սասուն Միքայելյանը՝ պատասխանելով Factor.am-ի այն հարցին, որ մինչ «Ելքը» հայտարարում է, թե ամեն ինչ անելու է, որպեսզի Սերժ Սարգսյանը վարչապետի պաշտոնը չզբաղեցնի, Գալուստ Սահակյանը նշում է, որ ազգը պետք է ընդունի՝ Սերժ Սարգսյանն է ղեկավարելու երկիրը,
«Ավելի ճիշտ կլինի ինքը լինի, որ վերջ ի վերջո մի անգամ պարտավորություն վերցնի իրա վրա, թե չէ տարիների ընթացքում եսիմ քանի վարչապետ ա փոխվել և ինքը իրա վրա պարտավորություն չի վերցրել: Վերջերս եկել եմ այն եզրակացության, որ թող ինքը լինի», – ասաց Միքայելյանը:
Լրագրողների դիտարկմանը՝ ինչպե՞ս դրան կարձագանքի հասարակությունը, Սասուն Միքայելյանն արձագանքեց. «Իսկ այս ձևի ապրելակերպին, որ ժողովուրդը հաշտվելա, լավա՞: Վերջնական եթե էդ մարդը կարա անի, թող անի»:
Նշենք, որ ավելի ուշ 1in.am-ի հետ զրույցում Սասուն Միքայելյանն, անդրադառնալով իր հայտարարությանն, ասել է` թյուրըմբռնում է եղել։ 《Միտքս այն է, որ ես ասել եմ՝ այդ մարդը թող իր վրա պատասխանատվություն վերցնի, համոզված եմ, որ չի վերցնի։ Իմ կարծիքով՝ կամ պաշտպանության նախարար կգնա, կամ Գենսեկ։ Ես ոչ թե ասել եմ՝ Սերժ Սարգսյանը պետք է լինի, ես ասել եմ՝ պետք է պատասխանատվություն կրի»,- պարզաբանել է ընդդիմադիր պատգամավորը
Մանրամասները՝ տեսանյութում:
Շողիկ Գալստյան
