24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Ռուսաստանում արգելափակվել են Sota-ի և Memorial իրավապաշտպան կենտրոնի կայքերը
Քաղաքականություն
20.03.2024 | 22:57
Ռուսաստանում արգելափակվել են Sota-ի և Memorial իրավապաշտպան կենտրոնի կայքերը։ Sota-ի խմբագրությունից հայտնել են, որ արգելափակման մասին ծանուցումներ չեն ստացել, գրում է Current Time-ը։
«Պարզվել է, որ որոշումը կայացվել է մարտի 5-ին` «Ռուսաստանի Դաշնության օրենքների համակարգված խախտումների համար»: Այսինքն՝ գրաքննությանը չհամապատասխանելու համար: Մենք պատրաստ էինք արգելափակման, և հիմա կառաջարկենք հոդվածներ երկու տարբերակով՝ VPN-ով և առանց VPN-ի, ինչպես արդեն անում են մեր շատ գործընկերներ»,- ասվում է հաղորդագրության մեջ։
Memorial-ն էլ հայտնում է, որ իրենց կայքի արգելափակման մասին գրառումը հայտնվել է Ռոսկոմսվոբոդայի կողմից վարվող արգելված կայքերի ռեեստրում։ Հայտնի չէ, թե կոնկրետ որ գերատեսչությունն է պահանջել արգելափակել կայքը։
Ռուսաստանում կայքերի զանգվածային արգելափակումը սկսվել է Ուկրաինա լայնամասշտաբ ներխուժումից հետո։ Արդեն փետրվարի 24-ին Ռոսկոմնադզորը լրատվամիջոցներից պահանջել էր հրապարակել միայն «ռուսական պաշտոնական աղբյուրների տվյալները» Ուկրաինայի հետ պատերազմի մասին՝ սպառնալով տուգանքներով և արգելափակելով։
