21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Ալիևի օգնականն այցով Չինաստանում է
Քաղաքականություն
19.03.2024 | 22:28
Ադրբեջանի նախագահ Իլհամ Ալիևի օգնական, նախագահի աշխատակազմի արտաքին քաղաքականության հարցերի վարչության ղեկավար Հիքմեթ Հաջիևն այցով Չինաստանում է։ Ադրբեջանական լրատվամիջոցների հաղորդմամբ՝ նա հանդիպումներ է անցկացրել Չինաստանի ԱԳ փոխնախարար Սուն Վեյդունի, Չինաստանի Կոմկուսի Կենտկոմի միջազգային վարչության պետի տեղակալ Չեն Չժուի, Շանհայի համագործակցության կազմակերպության նախագահ Վան Չաոյի հետ։
Ադրբեջանը մեծ նշանակություն է տալիս Բաքվի և Պեկինի միջև հարաբերությունների զարգացմանը, պաշտպանում է «մեկ Չինաստանի» քաղաքականությունը և պատրաստ է վճռականորեն աջակցել Չինաստանին ընդհանուր շահերի հարցերում, հայտարարել է Հաջիևը փոխնախարար Սուն Վեյդունի հետ հանդիպմանը։
Նա նշել է, որ Բաքուն պատրաստ է ընդլայնել համագործակցությունը Չինաստանի հետ այնպիսի ոլորտներում, ինչպիսիք են տնտեսությունը, առևտուրը, տրանսպորտը, այլընտրանքային էներգետիկան, հասնել ընդհանուր զարգացման և բարգավաճման։
Չինացի պաշտոնյան էլ ասել է, որ Չինաստանի նախագահ Սի Ցզինպինի և Ադրբեջանի նախագահ Իլհամ Ալիևի ռազմավարական ղեկավարությամբ երկու երկրները սերտ կապեր են պահպանում բոլոր մակարդակներում, զգալի առաջընթաց են գրանցել «Գոտի և ճանապարհ» նախագծի շրջանակում համագործակցության մեջ և արդյունավետ միջազգային համակարգում են իրականացում։
Հաջիևի հանդիպումների ընթացքում մտքերի փոխանակություն է տեղի ունեցել «Միջին միջանցք» նախագծի իրականացման, COP29-ի շրջանակում փոխգործակցության և Ադրբեջանից կանաչ էներգիայի փոխադրման ծրագրում Չինաստանի մասնակցության շուրջ։
Էմմա Չոբանյան
