22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Ուկրաինացիների քաջությունը չի սպառվում, նրանց զինամթերքն է սպառվում. Ստոլտենբերգ
Քաղաքականություն
14.03.2024 | 21:58
ՆԱՏՕ-ի գլխավոր քարտուղար Յենս Ստոլտենբերգն այսօր հայտարարել է, որ ՆԱՏՕ-ի դաշնակիցները շտապ պետք է ուժեղացնեն զինամթերքի և զենքի մատակարարումն Ուկրաինային, գրում է BBC-ի ռուսական ծառայությունը:
«Ուկրաինացիների քաջությունը չի սպառվում, նրանց զինամթերքն է սպառվում: Միասին մենք ունակ ենք Ուկրաինային ապահովել այն ամենով, ինչ նրան անհրաժեշտ է։ Այժմ մենք պետք է քաղաքական կամք դրսևորենք՝ դա անելու համար»,- ասել է ՆԱՏՕ-ի գլխավոր քարտուղարը։
Նրա խոսքով՝ ՆԱՏՕ-ի բոլոր դաշնակիցները պետք է արագ օգնություն ցուցաբերեն Ուկրաինային։
«Յուրաքանչյուր ուշացման օրը հղի է իրական հետևանքներով Ուկրաինայի մարտի դաշտում։ Այնպես որ՝ այժմ կրիտիկական պահ է, և մեծ պատմական սխալ կլինի Պուտինին թույլ տալ՝ հաղթել»,- հավելել է Ստոլտենբերգը։
