20.05.2024 | 11:49
Իրանի նախագահի և ուղղաթիռի կործանման հետևանքով մյուս զոհվածների մարմինները տեղափոխվել են Թավրիզ
Շվեյցարիան մեկնարկում է Հայաստանում անտառների վերականգնման 10-ամյա ծրագիր
Տնտեսություն
12.03.2024 | 22:51
Շրջակա միջավայրի նախարարության նախաձեռնությամբ Շվեյցարիայի զարգացման և համագործակցության գործակալությունը (SDC) գործընկերների՝ Հայաստանի ազգային ագրարային համալսարանի (ՀԱԱՀ) և Շվեյցարիայի անտառների, ձյան և լանդշաֆտային հետազոտությունների դաշնային ինստիտուտի (WSL) հետ համատեղ մեկնարկել է «Անտառների վերականգնումը և կլիմայի փոփոխությունը Հայաստանում» (FORACCA) 10-ամյա նախագիծը։ Այս մասին տեղեկացնում են Շրջակա միջավայրի նախարարությունից։
«Այսօր կայացել է FORACCA ծրագրի մեկնարկի միջոցառումը, որին մասնակցել է ոլորտի ներկայացուցչական մեծ խումբ:
Բացման խոսքով հսնդես են եկել Շրջակա միջավայրի նախարարի տեղակալ Արամ Մեյմարյանը,վարչապետի գլխավոր խորհրդական Համբարձում Մաթևոսյանը, Հայաստանում Շվեյցարիայի փոխդեսպան, հավասարապես Հայաստանում Շվեյցարիայի համագործակցության ծրագրի պատասխանատու Վերներ Թութը, ՇՄՆ «Հիդրոօդերեւութաբանության և մոնիտորինգի կենտրոն» ՊՈԱԿ-ի տնօրեն Լևոն Ազիզյանը, ՀԱԱՀ ռեկտորի ժամանակավոր պաշտոնակատար Հրաչյա Զաքոյանը և WSL-ի հետազոտությունների համակարգող Մարկո Պյուցը։
Նախարարի տեղակալն իր խոսքում անդրադարձել է անտառապատ տարածքների ավելացման Հայաստանի Հանրապետության հանձնառությանը և խոսել ծրագրի բաղադրիչներից ու շրջակա միջավայրի կայուն կառավարման տեսանկյունից դրանց կարողությունից:
«Չափազանց կարևորում եմ ծրագրի գիտահեն և երկարաժամկետ լինելը, ինչը հիմք է, որ ծրագրի ընթացքում շահագրգիռ համայնքների հետ ունենալու ենք ակտիվ համագործակցություն: Ցանկացած ծրագրի դեպքում շրջակա միջավայրի նախարարությունն առաջին հերթին խրախուսում է ներառականությունը և հարակից համայնքների ակտիվ ներգրավվածությունը: Միայն համայնքների հետ համահունչ աշխատանքով է հնարավոր պահպանել շրջակա միջավայրը,-իր ելույթում նշել է նախարարի տեղակալը և կրկին շնորհակալություն հայտնել Շվեյցարիայի կառավարությանը` Հայաստանում շրջակա միջավայրի բարելավմանն ուղղված ներդրմսն և ֆինանսակսն աջակցության համար:
Ամփոփելով ելույթը` նախարարի տեղակալ Արամ Մեյմարյանն հույս է հայտնել, որ Շվեյցարիայի առաջադեմ գիտելիքները, անտառների, լանդշաֆտների և կլիմայի հետազոտությունների հավաքական փորձը լավագույնս կներդրվեն մեր երկրում:
Բացման խոսքերին հաջորդել է աշխատաժողովը, որին մասնակցել են շահագրգիռ կողմերը համապատասխան պետական մարմիններից, ակադեմիական հաստատություններից, ինչպես նաև շահագրգիռ մասնագիտացված հասարակական կազմակերպություններից:
Ծրագրի բյուջեն կազմում է 10 մլն CHF (մոտ 11,5 մլն ԱՄՆ դոլար) 2023-2033 թվականների համար, եթե SDC-ի ֆինանսական իրողությունը թույլ տա ժամանակի ընթացքում:
FORACCA-ի երեք հիմնական նպատակներն են զարգացնել կլիմայի փոփոխության հետ կապված Հայաստանի մարտահրավերների գիտական ըմբռնումը և զարգացնել կարողություններ՝ դրանք լուծելու համար: Այն խթանում է կլիմայական խելացի գործելակերպը անտառամերձ համայնքներում:
Արդյունքում, ծրագիրը թույլ կտա փաստերի վրա հիմնված քաղաքականություն մշակել կլիմայի հարմարվողականության և անտառների արդյունավետ կառավարման համար»,- ասված է հաղորդագրության մեջ:
