07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Հնդկաստանում կգործարկվեն թռչող տաքսիներ
Քաղաքականություն
08.03.2024 | 20:16
Հնդկական արտադրության առաջին օդային տաքսին՝ e200-ը, իր առաջին թռիչքը կկատարի 7-8 ամսից՝ դրանով իսկ սկիզբ դնելով քաղաքային տեղաշարժի նոր դարաշրջանի ոչ միայն Հնդկաստանում, այլև ամբողջ աշխարհում, News18-ին ասել է ePlane-ի հիմնադիր Սատյա Չակրավարտին:
«Մենք պետք է օդային տաքսին շատ կոմպակտ դարձնենք, որպեսզի այն կարողանա վայրէջք կատարել սահմանափակ տարածքներում և թռչել Հնդկաստանի ծանրաբեռնված օդային տարածքում», – ասել է Չակրավարտին:
Ըստ նրա՝ չնայած մարտահրավերներին՝ ePlane-ը զգալի առաջընթաց է գրանցել օդային տաքսիների մշակման գործում, ներառյալ e50 նախատիպի հաջող փորձնական թռիչքները:
Ներկայացնելով e200-ի առանձնահատկությունները՝ Չակրավարտին ընդգծել է անվտանգության մի քանի համակարգերը, որոնք ուղղված են ուղևորներին պաշտպանելու տարբեր սցենարներում՝ պարաշյուտներ, փչովի նավակներ և այլն։
