13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ԲՏԱ նախարարը ՀԱՊՀ ռեկտորի հետ քննարկել է համատեղ ծրագրեր իրականացնելու հնարավորությունները
Հասարակություն
08.03.2024 | 14:20
ՀՀ Բարձր տեխնոլոգիական արդյունաբերության նախարար Մխիթար Հայրապետյանն այցելել է Հայաստանի Ազգային Պոլիտեխնիկական Համալսարան (ՀԱՊՀ), շրջայց կատարել համալսարանի լսարաններում, ծանոթացել ուսումնական գործընթացի կազմակերպմանը, շփվել ուսանողների հետ: ԲՏԱ նախարարությունից հայտնում են, որ ՀԱՊՀ ռեկտոր Գոռ Վարդանյանի հետ քննարկվել է համագործակցության հեռանկարները, համատեղ ծրագրեր իրականացնելու հնարավորությունները․ տեղեկացնում են գերատեսչությունից։
Նախարարը մասնավորապես կարևորել է կրթություն- գիտություն-արտադրություն կապը, նաև հետազոտական բաղադրիչը՝ որպես այդ շղթայի մի մաս և նշել այդ ամենի համատեքստում Պոլիտեխնիկի հետ ինտենսիվ աշխատանքը։
Նախարար Մխիթար Հայրապետյանն ընդգծել է նաև, որ տեխնոլոգիական ԲՈՒՀ-ն՝ ի դեմս ԲՏԱ նախարարության, ունի ևս մեկ հուսալի գործընկեր, որի հետ սերտ աշխատանքի արդյունքում կարող են կարևոր բովանդակություն ստեղծել, ինչպես կրթական, այնպես էլ գիտահետազոտական լուրջ ծրագրեր և աշխատանքներ իրագործելու ուղղությամբ։
