17.05.2024 | 15:48
Լուկաշենկոն Ալիևի հետ այցելել է Շուշի և հայկական քաղաքին տրակտորներ նվիրել․ ԼՈՒՍԱՆԿԱՐՆԵՐ
Հայաստանում խաղային բիզնեսը շարունակում է ծաղկել
Տնտեսություն
06.03.2024 | 11:20
Հայաստանում շահումով խաղերի ոլորտը 2023 թ-ին 2022-ի համեմատ աճել է 7․7 %-ով՝ հասնելով 245․5 մլրդ դրամի։ Վիճակագրական կոմիտեի տվյալների համաձայն՝ դրա մեծ մասը բաժին է ընկնում վիճակախաղերի, տեսախաղային տերմինալների, վիրտուալ մոլախաղերի և բուքմեքերական գործունեությանը, որի ծավալն ավելացել է 3․9%-ով՝ հասնելով 231․3 մլրդ դրամի, մյուս մասը խաղատների գործունեությունն է, որն ավելացել է 2․7 անգամ՝ հասնելով 14․2 մլրդ դրամի։
2023 թ-ի տարեվերջի դրությամբ ուժի մեջ է թվով 4 խաղատան, 3 վիճակախաղերի և 4 ինտերնետ շահումով խաղերի կազմակերպման լիցենզիաներ: Ըստ Ֆինանսների նախարարության տվյալների՝ խաղային բիզնեսից անցած տարի գանձվել է 17․9 մլրդ դրամ պետական տուրք, որից ամենաշատը վճարել են խաղատները՝ 7․1 մլրդ դրամ, ապա ինտերնետ շահումով խաղերը՝ 2․4 մլրդ դրամ, վիճակախաղերը՝ 1․8 մլրդ դրամ:
Գայանե Խաչատրյան
