23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Նովայա գազետա»-ի գլխավոր խմբագիրը ձերբակալվել է Մոսկվայում
Քաղաքականություն
29.02.2024 | 22:00
«Նովայա գազետա»-ի գլխավոր խմբագիր Սերգեյ Սոկոլովը ոստիկանության բաժին է տարվել՝ ՌԴ բանակը «վարկաբեկելու» հոդվածով վարչական արձանագրություն կազմելու համար, գրում է BBC-ի ռուսական ծառայությունը։
Գործը վերաբերում է «Նովայա գազետա»-ի հրապարակումներից մեկին, ասվում է հաղորդագրության մեջ, սակայն չի նշվում, թե որ հրապարակման մասին է խոսքը։
Վարչական գործի քննությունը տեղի կունենա Մոսկվայի Պերովսկի դատարանում, պարզաբանել են Սոկոլովի գործընկերները։
Սոկոլովը «Նովայա գազետայի» գլխավոր խմբագրի պաշտոնում փոխարինել է Դմիտրի Մուրատովին («օտարերկրյա գործակալների» ռեգիստրում ներառված)՝ խմբագրությունում երկար ժամանակ տեղի ունեցող վերջին ռոտացիայի արդյունքում։ Նոբելյան մրցանակակիր Մուրատովը շարունակում է մնալ պարբերականում։
Սերգեյ Սոկոլովը «Նովայա գազետա»-ում աշխատում է 90-ականներից, դրա հիմնադիրներից է։ Պատերազմի բռնկումից հետո խմբագրակազմը բաժանվեց երկու մասի․ լրագրողների մի մասը մնաց աշխատելու Ռուսաստանում, մյուսները մեկնեցին արտերկիր և հիմնեցին «Նովայա գազետա Եվրոպա»-ն, որը ռուսական իշխանությունները հայտարարեցին անցանկալի կազմակերպություն։
Ռուսական խմբագրությունը ստիպված է աշխատել՝ հաշվի առնելով ռազմական գրաքննության պահանջները։
