25.02.2026 | 14:26
Էդուարդ Վարդանյանը վերադառնում է ACA
Ալեքսեյ Նավալնիին կհուղարկավորեն մարտի 1-ին
Քաղաքականություն
28.02.2024 | 14:47
Ռուս ընդդիմադիր գործիչ Ալեքսեյ Նավալնիի հուղարկավորությունը տեղի կունենա մարտի 1-ին։ Այս մասին հայտնել է նրա մամուլի քարտուղար Կիրա Յարմիշը, փոխանցում է BBC-ի ռուսական ծառայությունը։
«Ալեքսեյի հոգոհանգստի արարողությունը տեղի կունենա Մարինոյում գտնվող Սուրբ Տիրամոր սրբապատկերի եկեղեցում՝ ժամը 14։00-ին»,- հայտնել է Յարմիշը։
Նավալնիի կհուղարկավորեն Բորիսովսկի գերեզմանոցում։
Ավելի վաղ բանտում մահացած քաղաքական գործչի կողմնակիցներն ահազանգում էին, որ չեն կարողանում Մոսկվայում դահլիճ գտնել նրա հրաժեշտի արարողությունը կազմակերպելու համար՝ սգո գործակալությունների կողմից իրենց նման ծառայություն մատուցելուց հրաժարվելու պատճառով։
Քննիչները Նավալնիի մարմինը մորը՝ Լյուդմիլա Նավալնայային են փոխանցել անցյալ շաբաթ օրը՝ փետրվարի 24-ին։ Ավելի վաղ հաղորդվում էր, որ քաղաքական գործչին կարող են հուղարկավորել Մոսկվայի Խովանսկոյե գերեզմանատանը։
Ալեքսեյ Նավալնիի մարմինը մեկ շաբաթ չէին փոխանցում ընտանիքին։ Այդ կապակցությամբ Նավալնիի մոր փաստաբանները դիմում են ներկայացրել Քննչական կոմիտե՝ մահացածի մարմինը պղծելու հոդվածով քրեական գործ հարուցելու խնդրանքով (ՌԴ Քրեական օրենսգրքի 244-րդ հոդված)։
