24.02.2026 | 23:30
Ադրբեջանում նախկին քննիչը ձերբակալվել է Ալիևի խոսքերի վերաբերյալ մեկնաբանության համար
Պուտինը վերականգնել է Մոսկվայի և Լենինգրադի ռազմական շրջաններն ու ցրել արևմտյան ռազմական շրջանը
Քաղաքականություն
26.02.2024 | 21:43
ՌԴ նախագահ Վլադիմիր Պուտինը վերականգնել է Մոսկվայի և Լենինգրադի ռազմական շրջաններն ու լուծարել Արևմտյան ռազմական շրջանը։
«2008-2010 թվականներին Սերդյուկովի ռազմական բարեփոխումների ժամանակ ստեղծված Արևմտյան ռազմական շրջանը լուծարվել է, դրա տեղում կրկին հայտնվել են Մոսկվայի ու Լենինգրադի ռազմական շրջանները»,- գրում է BBC-ի ռուսական ծառայությունը։
Երկու նոր ռազմական օկրուգ, մի քանի նոր դիվիզիաներ ու այլ խոշոր ռազմական միավորումներ ստեղծելու առաջարկն արվել է 2022 թվականին ՌԴ ՊՆ ղեկավար Սերգեյ Շոյգուի կողմից։
ՌԴ նախագահի հրամանից հետևում է, որ Հյուսիսային նավատորմը զրկվել է միջտեսակային ռազմավարական տարածքային միավորման կարգավիճակից։ Դրա պատասխանատվության գոտու մաս կազմող շրջանները փոխանցվել են նորաստեղծ Լենինգրադի ռազմական օկրուգին։
Բացի այդ, Պուտինի հրամանագրով Ուկրաինայի օկուպացված շրջանները՝ Լուգանսկի ու Դոնեցկի ինքնահռչակ ժողովրդական հանրապետությունները, Զապորոժիեի և Խերսոնի շրջանները ներառվել են Հարավային ռազմական օկրուգի մեջ: Բռնակցված Ղրիմը ևս այս ռազմական շրջանում է։
