12.08.2026 | 12:41
Ալիևը հայտարարել է, թե Նախիջևանի հետ ցամաքային կապն Ադրբեջանի «վաղեմի երազանքն» է
Գերմանիայում պատգամավորները դեմ են քվեարկել Ուկրաինային Taurus հրթիռների մատակարարմանը
Քաղաքականություն
22.02.2024 | 22:35
Գերմանիայի խորհրդարանը դեմ է քվեարկել Քրիստոնեա-դեմոկրատական միություն (CDU/CSU) ընդդիմադիր դաշինքի առաջարկին, որը պահանջում է ընդլայնել Ուկրաինային ռազմական օգնությունը, ներառյալ՝ Taurus հրթիռների մատակարարումը, գրում է BBC-ի ռուսական ծառայությունը:
Taurus-ը գերմանա-շվեդական հեռահար «օդ-երկիր» թևավոր հրթիռ է, որը նախատեսված է ճշգրիտ հարվածների համար:
CDU/CSU պատգամավորական խմբի առաջարկը, որտեղ ուղղակիորեն հիշատակվում էր գերմանական զենքի այս համակարգը, ձայների մեծամասնություն չի ստացել․ կողմ է քվեարկել միայն Բունդեսթագի 182 պատգամավոր, դեմ՝ 480, ձեռնպահ՝ 5-ը, գրում է Die Welt-ը։
Անցած շաբաթ Մյունխենի համաժողովում Գերմանիայի կանցլեր Օլաֆ Շոլցը խուսափել էր պատասխանել Ուկրաինային Taurus հրթիռների մատակարարման մասին հարցին։
«Այս հարցը տարօրինակ է։ Դուք գիտեք, որ Գերմանիան (Ուկրաինա զենք մատակարարելու վրա) ավելի շատ է ծախսում, քան Եվրոպայում որևէ մեկը»,- ասել է կանցլերը։
Նրա խոսքով՝ անցյալ տարի Բեռլինը Կիևին 12 միլիարդ եվրոյի օգնություն է տրամադրել։
