07.12.2025 | 16:36
Տավուշում համադասարանցիների կողմից երեխային ծեծի ենթարկելու դեպքը բացահայտվել է․ ՆԳ նախարարը միջնորդագիր է հղել ԿԳՄՍ նախարարին
Գործարքը հնարավոր է իրականացնել առանց Ռուբեն Վարդանյանի անմիջական մասնակցության․ փորձագետ
Տնտեսություն
21.02.2024 | 20:59
«Իրավական տեսանկյունից բոլոր գործողությունները հնարավոր է իրականացնել առանց Ռուբեն Վարդանյանի անմիջական մասնակցության»: Այս մասին Ամերիաբանկի և BOGG ֆինանսական խմբի միջև հնարավոր գործարքի վերաբերյալ Civilnet-ին տված հարցազրույցում ասել է ՖԻՆԱՐՄ ֆինանսական շուկայի մասնակիցների ասոցիացիայի գործադիր տնօրեն Կարեն Զաքարյանը:
Նա ընդգծել է, որ Ամերիաբանկում բաժնետեր է ոչ թե անձամբ Ռուբեն Վարդանյանը, այլ «Իմաստ Գրուպ»-ը, որի անունից որոշում են կայացնում իրավաբանական անձի կառավարման մարմինները:
Ինչ վերաբերում է Ռուբեն Վարդանյանին, ապա փորձագետի խոսքով` բաժնետոմսերն էլ իրենց հերթին հանձնված են հավատարմագրային կառավարման, այսինքն` «հավատարմագրային կառավարչի որոշումը լիովին բավարար է գործարքն անթերի իրականացնելու համար»:
«Ամերիաբանկում այլ խոշոր բաժնետերեր ևս կան, այդ թվում նաև խոշոր ինստիցուցիոնալ ներդրողներ` Վերակառուցման և զարգացման եվրոպական բանկը` 17.71%, Ասիական զարգացման բանկը` 13.91%, Ի Էս Պի Էս Հոլդինգը` 12.05%, Աֆեյան հիմնադրամն է նաև բաժնետերերի կազմում: Եվ այս բոլոր սեփականատերերը վաճառում են իրենց բաժնեմասը Մեծ Բրիտանիայում ցուցակված BOGG ֆինանսական խմբին: Ինչու՞ պետք է վաճառեր, օրինակ, Ասիական զարգացման բանկը, եթե, ենթադրենք, գինը ձեռնտու չլիներ կամ այլ հանգամանքներ լինեին: Այս բոլոր հանգամանքները հաշվի առնելով` ես ռիսկեր չեմ տեսնում»,- եզրափակում է Կարեն Զաքարյանը:
