27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ուկրաինայի Գերագույն Ռադան չեղարկել է այսօրվա նիստը հարձակման սպառնալիքի պատճառով
Քաղաքականություն
22.11.2024 | 13:34
Ուկրաինայի Գերագույն Ռադայի նիստը, որը պետք է կայանար ուրբաթ օրը՝ նոյեմբերի 22-ին, չեղարկվել է, հայտնում են ուկրաինական լրատվամիջոցները։
«Ուկրաինսկայա պրավդա»-ի փոխանցմամբ՝ պատգամավորներին նախազգուշացվել է Կիևի կառավարական թաղամասին ռուսական հարվածի սպառնալիքի մասին։ Ինչպես գրում է РБК-Украина-ն, խորհրդարանական ապարատը ժամանակավորապես անցել է հեռավար աշխատանքի։ Նիստի չեղարկման մասին Telegram-ի իր ալիքում գրել է նաև Ռադայի պատգամավոր Ալեքսեյ Գոնչարենկոն։ Նրա խոսքով, հաջորդ նիստը կկայանա դեկտեմբերին։
Նախօրեին ռուսական բանակն առաջին անգամ հարվածել էր Ուկրաինային նոր «Օրեշնիկ» բալիստիկ հրթիռով։ Պուտինը դա անվանել էր արևմտյան հեռահար հրթիռներով ՌԴ տարածքին հարվածի պատասխան։
Թարգմանությունը՝ Տաթև Ֆռանգյանի
