14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Բաքուն ՀՀ-ի հետ սահմանազատված գյուղերում հսկման տեսախցիկներ է տեղադրել
Քաղաքականություն
22.11.2024 | 14:41
Հայաստան-Ադրբեջանի պետական սահմանի՝ Տավուշի մարզի սահմանազատված հատվածում ադրբեջանական Ղազախի շրջանում Բաքուն տեսախցիկներ է տեղադրել ու այդպիսով հսկողություն է իրականացվում Բաղանիս Այրում, Աշաղի Ասկիպարա, Խեյրիմլի, Ղըզըլհաջըլի գյուղերի տարածքներում։
Ադրբեջանական լրատվամիջոցների փոխանցմամբ այս մասին հայտարարել է «Ղազախ» դիվիզիայի հրամանատար, գեներալ-մայոր Միսիր Ալիևը լրագրողների համար կազմակերպված այցի ժամանակ։ Նրա խոսքով՝ դիվիզիայի տարածքում տեղադրված է ավելի քան 1000 տեսախցիկ, այդ թվում՝ ջերմատեսիլ սարքեր և այլ տեսակի սարքավորումներ։
«Տեսահսկման համակարգն ընդգրկում է նաև «ազատագրված» գյուղերը։ Վերահսկողությունն իրականացվում է դիտակետերից, և Պետական սահմանային ծառայության ղեկավարը հնարավորություն ունի իր աշխատասենյակից իրական ժամանակում վերահսկել իրավիճակը»,- նշել է Միսիր Ալիևը։
Թարգմանությունը՝ Էմմա Չոբանյանի
